إسلاميكا
welcome to my forum , please sing up now .

12 يوم مع ورق النتيجة

استعرض الموضوع السابق استعرض الموضوع التالي اذهب الى الأسفل

cool 12 يوم مع ورق النتيجة

مُساهمة من طرف إسلاميكا في الجمعة 4 سبتمبر - 22:28:06

12 يوم مع ورق النتيجة



في يوم 8 / 8 / 2009 بدأت رحله كفاحي بالتربية العسكرية وانتهت يوم 20 / 8 / 2009 ، واثناء تواجدي في الجامعه ظهرت باقي نتائج اقسام كلية آداب وكان من ضمنها قسمي ، ونتيجة لذلك اقترحت علي الاعضاء هنا ان من يريد النتيجة من الكلية وعنده اي ظرف يمنعه من النزول الي الكلية يعطيني رقم جلوسه ، وبالفعل بعض الأعضاء اعطوني ارقام جلوسهم ، وذلك اتوجه كل يوم تقريبا ً الي ورق النتائج ، ولاحظت من خلال تواجدي هناك حوالي 12 يوم اشياء كثيرة ، سأعرضها لكم بكل بدقه :

أولا ً : بخصوص نتائج الطلاب :

وجدت ان بعض الطلاب في الجامعه لا يشعرون بأهاليهم مطلقا ً ، ولا يشعرون بأهمية السنين ولا الزمن ولا اي شيء واهم شئ عندهم هو الخروج والفسح واللهو والبنات والتعارف ، واهلهم في البيت يولعوا بجاز مش مهم .

فلقد صادفت اثناء تواجدي بقرب ورق النتيجة الكثير من النتائج المخجله جدا ً ، لطلاب يرسبون في الفرقة الأولي ، ثم يرسبون في الفرقة الثانية ، ثم يرسبون في الفرقة الثانية مرة أخري بدون اي مبالاه . ووجدت طلاب أخرون يعيدون السنه علي بعض المواد ثم يكررون الرسوب في نفس المواد ، وطلاب أخرين يرسبون في قسم فيحولون الي اخر ثم يرسبون فيه ، واخرون يتنقلون من كلية الي أخري ، وكأنهم مسحوا عامل الزمن من حياتهم .

ثانيا ً : بخصوص ورق النتيجة :

1 - وجدت كثير من الورق مقطع وملقي في الطرقات والبعض الأخر مختفي تماما ً ، وكل ده ليه انا مش عارف ؟

انا مش عارف ليه الأذي ده ، يعني انت مش عاوز الناس تشوف نتاجتك ايه ذنب باقي الناس الي نفسها تشوف النتيجة انها تتحرم من انها تشوفها ، او ايه ذنب الناس انك مكسل تنقل النتيجة او نسيت تجيب قلم معاك من البيت ، انا مش عارف ؟

هترد وتقول لي ، طيب ما هم ممكن يشوفوها من شؤون الطلبة ، هقولك مش كل الناس يعرفوا الحكاية ديه ، وكمان فيه ناس بتكون نتيجتهم محجوبه عشان ما دفعوش الفلوس والنتيجة اما بتكون متعلقه النتائج المحجوبة بيكون معمول عليها بقلم اسود بس باينه شوية ( انا هتكلم علي الحكاية ديه كمان شوية ) .

2 - الشخبطة علي النتيجة ، الشخبط علي النتيجة لاقتها في معظم ورق النتائج بطريقة مش معقولة ، وانا بصراحه مش عارف ليه كل الشخبطه ديه ؟ هل لانهم بيكونوا مكسوفين من النتائج بتاعتهم ! طيب ان مكسوفين بصحيح يبقي لازم يذاكروا عشان يفتخروا بعدين . ولا ممكن عشان يعرفوا يكذبوا ويقولوا احنا جيبنا كذا وكذا ، ولا خايفين من الحسد زي واحد اعرفه .


ثالثا ً : أدارة الكلية : ( هو طلب واتمني يلاقي قبول من المسؤولين )

بخصوص حجب النتائج ، النتائج المحجوبه ديه مشكلة المشاكل ، وخصوصا ً السنه ديه ، لأن النتيجة اتأخرت جدا ً ، فناس كثيرة سافرت مصيف او سافروا في حتت تانية ، فما كنوش موجودين بالقاهرة ، فطلبوا من اصدقاء لهم ان يعرفوا لهم النتيجة ، ولكن للأسف كانت النتيجة محجوبه لماذا ؟

لعدم دفع المصروفات .

طيب هم الطلاب دول هيطيروا ما هم موجودين في الجامعة لغاية سنه رابعه ، وبأمكان الجامعة عدم السماح لهم بأخذ شهادة التخرج الا بعد دفع المصروفات ، فلماذا اذا ً الحجب ! وبأمكان الجامعة عدم اعطاء الطلاب المستنفذين لعدد مرات الرسوب الملف الخاص بهم الا بعد دفع المصروفات ، فلماذا اذا ً الحجب !

اتمني ان يتم النظر لهذه الشكوي بجديه .

وفي نهاية الموضوع اتمني من ابناء ان يشعروا باهاليهم ، ويخافوا علي مستقبلهم ويكونوا حريصين علي كل دقيقية تضيع من عمرهم . لأن بجد حرام يضيعوا سنين عمرهم في الرسوب والتحويل من كلية الي أخري ، وحرام تضيع سنين عمرك في الكلام الفارغ والجري وراء البنات ، لأن ان هي بنت محترمه بجد يبقي هتخليك تتفوق مش تعيد السنه .

وأتمني للجميع التوفيق ان شاء الله .
avatar
إسلاميكا
admin
admin

عدد المشاركات : 1392
العمر : 27
نقاط : 34858
تاريخ التسجيل : 05/07/2008

معاينة صفحة البيانات الشخصي للعضو http://e6lamica.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى