إسلاميكا
welcome to my forum , please sing up now .

مش عارف

اذهب الى الأسفل

cool مش عارف

مُساهمة من طرف إسلاميكا في الخميس 22 يوليو - 3:14:57

مش عارف



اقرب ولا ابعد

مش عارف وجودي بيفرحها ولا بيضيقها

مش عارف اعمل ايه عشان افوز بقلبها

انا واثق ان اي حاجه هتتطلب مني هقدر اعملها

بس اعرف انا مطلوب مني ايه

بحاول اسعدها بأي طريقه مش اي بنت بتحب السعاده

أكتر واحد بيحبها في الدنيا مش البنت بتحب انها تحس بانها محبوبه لاقصي درجه

بحاول اقرب لها باي طريقه مش البنت بتحب ان الي بيحبها يكون قريب جدا ً منها

بحاول احس بكل احساس هي بتحسه

بحاول ابتعد عن اي حاجه بتضيقها

ما بقتش أفتح الأيميل اون لاين عشان وعدتها بكده

شيلت معظم البنات الي عندي علي الايميل والفيس بوك عشان مش شايف غيرها

مش عارف اعمل ايه

اليوم الي ما بطمنش عليها فيه ببقي زي المجنون ، نفسي اسمع منها كلمه نفسي اسمع منها همسه نفسي اقراء منها غنوه

مش عارف ليه

كل اما بقفل معاها الموبيل ببقي نفسي تتصل بيا وتقولي انا ما شبعتش من الكلام معاك تيجي نكمل كلام

مش عارف ليه

اليوم الي بتكنسل عليه فيه بتجنن خالص وبستني لغايه اما اجي انام وكلي امل انها تكلمني وبعد اما انام اقعد اصحي كل شويه وابص في الموبيل لتكون اتصلت وانا نايم

مش عارف ليه

اما بتكلم معاها بنسي الدنيا كلها بحس اني بكلم روحي ، حبيبتي الي نفسي اضمها لصدري - بعد الجواز طبعا ً - بتوحشني حتي لو كلمتها بعد دقيقتين

مش عارف امتي

ممكن تنسي الي كانت بتحبه وتحبني

انا بعترف اني كذا مره قبل كده حبيت ، بس حب بمعني الحب الي انا عيشه الأيام ديه انا محستهوش قبل كده ، كنت احب ساعات بنت شكلها جميل ، بس اخلاقها جميله ، بنت قربت منها لفتره اشعر بأنجذاب ليها ، ولكن الحب الي انا عشته الايام الي فاتت واليومين دول مختلف ، فهو اول حب عقلني علي الرغم من ولعي الشديد بها الذي يفوق الحدود ، ففي البدايه لم اخبر احد بحبي لها ، في الحقيقه كنت اخشي ان تتكرر قصص الحب السابقه واكون مجرد معجب ، ولكن بعد فتره شعرت انه حب حقيقي فصارحتها به ، ثم بعد ذلك صارحت كل العالم بحبي لها البنات قبل الولاد ، لكي اثبت لها اني لا اريد في العالم سواها لا يهمني ان تبتعد عني الفتيات وتسقطني من حساباتها اذا عرفوا بحبي وخصوصا ً ان من بين هؤلاء الفتيات بنتين كانوا معجبين بي وعند معرفتهم بالحكايه ابتعدوا تماما ً، وبعد ان اعترفت للعالم بدأت دخول الشات متخفيا ً لا اكلم سواها ، ثم بعد ذلك قمت بتصفيه الفتيات الموجودون في الأيميل ، وهذا التسلسل مهم جدا ً بالنسبه لي ، لأني في السابق كنت اتسرع وأخذ خطوات متسرعه وأعود بعدها في قراري ، ولكن في هذه القرارات كنت أرتكز علي قرار لفتره ثم انتقل للقرار الذي يليه ، للحقيقه لم يكن ذلك مدروسا ً مني ولكني اكتشفت ذلك عندما رجعت قصه حبي لها .

فهل كل هذه الأختلافات في حياتي واني اصبحت احب اشياء كنت اكرهها من اجلها ، لا يجعلها تحبني وتشعر بي ، فلقد احببت فيلم 5 باب علي الرغم من اني كنت اكره حتي مشاهده مشهد من هذا الفيلم .

لو مطلوب مني اني ادفع عمري كله عشان تقولي بحبك وأكلمها في يوم واشوفها واقعد معاها وبعد كده أموت انا موافق ، بس هي توافق ، لأنها ان مش بتحبني هتبقي قاعده غصب عنها ، وانا اهون عليه اموت ولا احس انها بتكلمني او تقعد معايا بغصب عنها ، يا نهار ابيض الانسانه الي بحبها تقعد معايا بغصب عنها ، هيتبقي لي ايه في الحياة اذا كانت حبي الوحدي مش بتحبني .

مش عارف

كنت زمان اما حد يتكلم عن الحب وكده ويصرح بحبه ، اقول ايه ده مش مكسوف وهو بيقول كده لوحده لسه ما خطبهاش او اتجوزها ، بس دلوقتي انا بقولها وانا مش مسكوف عشان الحبي خلاني ما اخفش من حاجه غير طبعا ً ربنا .

مش عارف

كذا واحد من زميلي قالوا لي انت اي واحده تتمناك ، بس شكلهم كانوا بيخدعوني ، لان الأنسانه الي بحبها اهي مش بتتمناني

مش عارف

انا انسان وحيش ولا كويس ، يا تري ان وحيش انا وحيش في ايه عشان اصلحه وتحبني وان كويس انا كويس في ايه عشان ازوده عندي

مش عارف

انا برخم جامد عليها وبزهقها مني ، ولا كده بظهرلها حبي بدون خوف

مش عارف

انا حبي زياده جدا ً لدرجه تزهق ، ولا ده المفروض انه يكون بين اي اتنين عاوزين يكونوا اسره سعيده ، كل واحد فيهم يحاول يسعد التاني ولو علي حسابه ، يجي علي نفسه حتي لو مش غلطان

هقولكم علي امنياتي لعل وعسي تتحقق يا رب :

نفسي انها تحبني لأبعد الحدود ، واني اتجوزها وتبقي حياتنا اخر سعاده ، عارف انه هتقابلنا مشاكل ، بس انا واثق اني هقدر احلها .

نفسي انها تبقي مهتميه بيه ، تحب تكلمني ، هي الي تحاول تتصل بيه ، تبقي عاوزه تطمن عليها وتعرف اخباري ، تقولي احوالها من غير ما اسألها ، ابقي كل حياتها طبعا ً مع اهلها وزميلتها ، انها اما تفكر تفكر فيه ، وانها تبقي عاوزه تكمل حياتها معايا .

نفسي ان اخواتها يحبوني لأبعد الحدود وابقي انا اخوهم الصغير الي يحبوا دائما ً انه يكون واحد من عائلتهم .

انها تنسي معايا الوقت وابقي بوحشها لو غبت حتي عنها دقيقه او اتنين ، وانها تبقي عاوزه تقول لكل الناس علي وتبقي فرحانه بيه وبتقول لصحبتها ربنا رزقني بأنسان كويس بيخاف عليه من الهوا الطاير ، بيخاف علي حتي من نفسي .

انها ما تحسش في اي لحظه بالزعل والضيق مني او من الناس وان حياتها كلها تبقي سعاده في سعاده ، انا عارف انه لازم تصادفها احزان بس يا رب اما تصدفها اي احزان اكون موجود بجوارها واقدر اخرجها من الحاله الي هي فيها وارجع الضحك لوجها تاني .

في نهايه الموضوع انا اسف ليكم علي التطويل ، بس انا شعرت اني بين اخوات فخرجت حاجات كتيره جوايا ليكم ، واعتبروا الموضوع ده خاطره كبيره اوي او فضفضه عاشق ، وانا بتأسف جدا ً ليها ان قلت اي كلام يضايقها .

وربنا يا رب يعمل الي فيه الخير ليها وليا وليكم يا رب العالمين .
avatar
إسلاميكا
admin
admin

عدد المشاركات : 1392
العمر : 28
نقاط : 37848
تاريخ التسجيل : 05/07/2008

معاينة صفحة البيانات الشخصي للعضو http://e6lamica.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى