إسلاميكا
welcome to my forum , please sing up now .

حوار بيني وبين نفسي

استعرض الموضوع السابق استعرض الموضوع التالي اذهب الى الأسفل

cool حوار بيني وبين نفسي

مُساهمة من طرف إسلاميكا في الجمعة 13 أغسطس - 0:27:46

حوار بيني وبين نفسي



انا : ابعد يا إسلاميكا مش عاوزك انت قرفتها من اتصالك بيها زهقتها من الدنيا كلها .

إسلاميكا : لاء هي بس متضايقه مني شويه وهترجع زي الاول .

انا : انسي يا إسلاميكا انت بتحاول تخدع نفسك وخلاص .

إسلاميكا : لاء والله انا حاسس انها بتحبني .

انا : طيب والي بيحب يقدر يستغني انه يكلم حبيبه تلت ايام ؟

إسلاميكا : بس هي عندها ظروف .

انا : ظروف تمنعها حتي انها ترد عليك حتي دقيقه ؟

إسلاميكا : مش عارف ، انا كنت هخلي ماما او اختي يتصلوا بيها ، بس هي مش بتعرف تكلمهم قصاد حد فهحرجها وخلاص .

انا : انت بتحبها لأي درجه يا إسلاميكا ؟

إسلاميكا : لأبعد درجه ممكن تتخيلها ، هي بالنسبه لي الشمس والقمر والهواء الي بتنفس بيه .

انا : طيب لو هي فعلا ً يا إسلاميكا مش طيقاك ولا عاوزه تكلمك هتعمل ايه ؟

إسلاميكا : سؤال صعب يا رخم ، بس هجاوبك انا اما بتبعد عني وبتكنسل بحس بزهق وقرف من كل شئ في الحياة ، انا طول الاجازه كنت بخرج عشان ما اقعدش في البيت واقعد استنها تكلمني ، كنت بهرب من الزهق والوحده الي في البيت للخروج ما بكونش عارف انا رايح فين ولا جاي منين بس اهو ماشي والسلام .

انا : انت ودتني في حته تانيه وما جاوبتش عن السؤال ؟

إسلاميكا : أكيد هأبعد انا يهمني انها تكون سعيده .

انا : ههههههه ما هي قالت لك كده من يومين وانت اتصلت وقعدت تعيط لها في التليفون عشان ترجعلك !

إسلاميكا : في فرق بين انها تكون زعلانه من موقف انا عملته وفرق انها مش طايقه اسلاميكا ، يعني يكون كل صفاته وكل حاجه بيعملها بتضايقها .

انا : طيب هتعمل ايه لو حسيت انها مش بقيت زي الاول بعد الحكايه ديه ، زي ما انت حاسس كده اليومين دول .

إسلاميكا : بص هحاول اخليها ترجع زي الاول ـ ولكن لو لاقتها لسه زعلانه مني ومتضايقه مني هأبعد عشان اريحها مني خالص .

انا : وانت هتقدر تستحمل يا إسلاميكا انك تبعد عنها ، انت ما بتستحملش انك ما تكلمهاش تالت ايام بس فما بالك بقيه العمر ؟

إسلاميكا : انا عارف انه هيكون عذاب بالنسبه لي ، بس قدام هي مش هتبقي مرتاحه معايا هأقعد اتعبها اكتر ، هي ملهاش اي ذنب في اي احساس انا حاسه ، انا الي حسيت وانا الي مقدرتش اخليها تحبني فانا لازم اتحمل بقا .

انا : طيب وانت شايف انها ما حبتكش ليه ؟

إسلاميكا : انا اكدب عليك ان قلت اعرف ، بس الحب ديه حاجه بتاعت ربنا ، ممكن شخص يعملك اي حاجه انت عاوزها وتلاقي نفسك بتحب شخص متجاهلك .

انا : يعني انت شايف انك مش السبب ؟

إسلاميكا : لاء طبعا ًُ ، انا برضه السبب ، رغم انها بتقول ان صفاتك حلوه ، بس في صفات فيه بتبعدها عني ، ورغم انها بتقول ان في حاجات هي الي وقفه قصاد قلبها ، بس انا مقتنع ان لو حب الأنسان قوي ولا اي عقبه في الدنيا تقدر تقف قصاده ، لو كان حبي اكبر من كده كان ممكن يتغلل الي قلبها .

انا : إسلاميكا ، انت شايف انك ممكن تخلي حد مش بيحبك يحبك عشان انت بتحبه ؟

إسلاميكا : اها بس اهم حاجه يكون في اعجاب بيه وبشخصيتي الاول ، والا بقا انا هتعبه معايا كل اما احسسه اني بحبه اوي وهو مش قادر يحبني .

انا : بس انت ساعات كنت بتعمل معاها كده .

إسلاميكا : انا كنت بسألها عشان عارف انها بتحبني وبدايات الحب عندها ، وما اقصدش اني اتعبها لانه يهمني جدا ً انها تكون مبسوطه .


انا : كل الناس بتقول كده وما بيكونش هممهم غير نفسهم وبس ، ما هو انت بتقعد تقولها انا ناقصني ايه عشان تحبيني وكلام من ده ، مش ده يحسس اي انسان بالذنب ؟

إسلاميكا : انا والله اما بقولها كده بيبقي قصدي ان اعرف عيوبي عشان اصلحها ، مش انتقدها ، انا لو اقصد انتقدها اقولها مثلا ً لو واحده غيرك كانت حبتني وكلام من ده ، ولكن عمري ما هقول الكلام ده لانها فوق الانتقاد وملهاش اي ذنب يعني في احاسيس الحب الي انا عايشها .

انا : طيب انت ليه بتقول انها اتغيرت عن الاول وكده ؟

إسلاميكا : مش عارف بقيت احس انها بتتخنق مني ، واما اسألها علي حاجه تضايق وتبقي عاوزه تقتلني ، واكنها بتتكلم معايا بغصب عنها .

انا : طيب انت ليه ما بتعذرهاش ممكن عندها ظروف ، ممكن الي في البيت ضغطين عليها فمش عارفه تلاقيها منك ولا منهم ، وكمان ممكن انت تكون بتسأل اسأله تخنق يا شيخ !

إسلاميكا : انت معاك حق ممكن عندها ظروف ومضغوطه حتي لو ما كنش في البيت ممكن مني انا ، مش يعني كده اني كلامي يعصب ، بس هي ممكن متوقعه ان إسلاميكا هو الي ممكن يخرجها من التعب النفسي الي هي فيه ، فإسلاميكا يقوم ضاغط عليها فتضايق اكتر عليه .

انا : اها ده الي بقولهولك ، بص انا هنصحك نصيحه لوجه الله ، انت حاول ما تكلمهاش في الحاجات ديه وخفف اتصالك بيها عشان ما تخنقاهش منك ، حاول تضحكها حتي علي نفسك ، هحاول ما تتحسسهاش باي ذنب لانها فعلا ً ملهاش اي ذنب في اي حاجه ، حاول تسعدها حتي لو ملكوش نصيب في بعض خليها كده سعيده بيك ، مش ممكن تحبك وتعجب بيك وتقولك انا بحبك اوي يا إسلاميكا في كل دقيقه وثانيه وساعه ويوم وسنه كمان .

إسلاميكا : كلامك جميل جدا ً وريحني ، انت عارف كل اما أسأل حد كلامه يتعبني ، الي يقولي ابعد عنها والي يقولي مسأله وقت ، لكن انت عشان فاهم تفكيري والي حد كبير تفكيرها وظروفها ريحتني بكلامك ، وانا هحاول اعمل الي اتفقنا عليه والماضي نخليه ماضي بكل مشكله واحزانه وان شاء الله بكره احسن واجمل .
avatar
إسلاميكا
admin
admin

عدد المشاركات : 1392
العمر : 27
نقاط : 35148
تاريخ التسجيل : 05/07/2008

معاينة صفحة البيانات الشخصي للعضو http://e6lamica.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى