انا دلوقتي فالجنه رقم 2

اسمي زينب .. موت بسبب السرطان ... وانا بموت شوفت شريط حياتي ...كنت فالصعيد وقرر ابويا وامي انهم يسافروا بيه لمصر عشان حته الفدان اللي كان حيلتهم بعوها .. طلعوني من المرسه وبايه يفيد العلم مع معده فاضيه تسند المعلومه ... وفي مصر ابويا قد يلاقي اوضه تكفينا احنا السته انا واخواتي البنات التانين مريم وسميه .. بقيت نقعد انا وامي بالصبح عالفرشه اللي بنبيع فيها خضار علي كام علبه بسكويت ولبان وبليل ابويا يقعد بالفرشة اللي فيها سجاير وشاي .. استمرينا فتره لغايه اما ولدي مات وبعده بكام شهر امي .. مريم وسميه كبروا وادوروا وبقوا عرايس .. كنت بحاول علي قد ما اقدر ما اتزلهمش يشتغلوا حافظت عليهم من الهوا الطاير كنت انا ابوهم وامهم لغايه اما مريم اتجوزت من عبد السلام اللي اخدها وسافر الكويت .. وسميه لاقينالها عريس شغال خدمه عملاء في بنك كبير في مصر تقريبا بنك مصر مش فاكره بالضبط .. جوز سميه منعها انها تجيلي ابن الاكابر مراته مستحيل تجي تزور اختها بياعه الفجل والكرافس .. ومريم طبعا فالكويت عمرها مافكرت تبعتلي جواب او اي مرسال تشوف اختها الكبيرة اللي رفضت تتجوز عشان تربيهم عايشه ولا ميته ؟!

بعد فترة من وحدتي وعدم وجود سبب لحياتي ربنا اظهرلي مرض السرطان اللي ورثته عن امي وابويا وكان سبب في وفاتهم ... الدم لا يتوقف من السيلان من فمي شهور من التعب والعذاب وحيدة ؟؟ في بلد الحياة فيها ليست من حق الفقراء كان من الصعب اني اعرف اجيب علاج لمرضي واني اوقف عذابي المستمر .. اصبت بنزيف جامد وتكسير في كل جسمي لمده يومين فموت .. مش عارفه موت بسبب المرض ولا بسبب عدم الاكل ولا بسبب الفقر ولا بسبب الوحده .. عارفين اني اهو بقالي يومين ميته وماخدش يعرف اني مت ؟؟ مين هيسأل علي بياعه الفجل والبقدونيس يعني ؟

بس انا مبسوطه اوي دلوقتي انا فالجنه وفيها حاجات كتيره عمري ماشوفتها بس جميله اوي حتي شكلي بقا جميل اوي ربنا عوضني عن دنيتكم الظالمه بجنته ... احمدك يارب علي كرمك وفضلك ..

[ندعوك للتسجيل في المنتدى أو التعريف بنفسك لمعاينة هذا الرابط]