إسلاميكا
welcome to my forum , please sing up now .


انضم إلى المنتدى ، فالأمر سريع وسهل

إسلاميكا
welcome to my forum , please sing up now .
إسلاميكا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

انا دلوقتي فالجنه 8

اذهب الى الأسفل

فن انا دلوقتي فالجنه 8

مُساهمة من طرف إسلاميكا الإثنين 26 يونيو - 12:52:31

انا دلوقتي فالجنه 8 13417585_10208968787164566_4941049603810509470_n


اسمي عادل .. موت متكهرب ... وانا بموت شوفت شريط حياتي ..




كنت دنجوان الجامعه زي اما كانوا بيقولوا عني ... كنت الصبح بقضيه مع سميه في كافتريا الجامعه ونروح انا هي نتمشي في ممر جيمي او عند النافوره واقرم متلكك باي حاجه وامشي اروح علي جامعه القاهرة اتلكك لبتاع الامن واقوله انا داخل مكتبه الجامعه عشان اقابل ايمن ونقعد نتمشي ونرغي وننبسط بليل بقا كنا بخرج في شله تانيه خالص مي واياد وياسمين وهاجر واحمد وطبعا ماكنتيش بسيب هاجر ابدا لانها كانت متعلقه بي اوي ...




كنت بنتقد صاحبي مصطفي اوي .. انت ازاي يا مصطفي عايش كده من البيت للجامعه ومن الجامعه للبيت ؟؟ حواليك بنات وخروجات ؟؟ بكره ايام الجامعه تخلص وتخش فطحونه الشغل ومافيش بنت هترضي بيك!! البنت عاوزه اللي يبقي مدردح ومهتم بلبسه وشكله اكتر من اهتمامه بدراسته وشغله !! البنات كدابين اللي بيقولوا لك مايهمنيش الشكل يهمني جوهره وانه يكون راجل كله كلام فالهوا .. خش علي اي بنت واسالها بتبص علي ايه فالراجل اول حاجه هيقولوا لك بنبص علي جزمته مش علي عقله وتفكيره ؟؟!!



مصطفي خطب جارتهم ... فالاول كنت مستغرب ازاي واحد لسه فالجامعه يربط نفسه بخطوبه وجواز وقرف .. الواحد فالجامعه بيبقي عامل زي النحله ينتقل من ورده لورده فيدخل ليه نفسه فعلاقه خطوبه وينكد علي نفسه بسرعه كده ؟؟



مصطفي مات فحادثه عربيه وهو بيعدي الطريق عشان يدخل الجامعه .. خطيبه مصطفي عيطت كتير اوي علي موته ما نسيتوش كنت كل اما اروح لامه اللاقيها عند امه بتعملها الاكل وبتديها العلاج .. ست غير كل الستات كان لازم مصطفي يسيب الدنيا كلها عشانها .. ام مصطفي اصرت عليه اني لازم اتجوز خطيبها مصطفي لانها مش هتطمن عليها غير معايا ؟؟!!

ازاي بس وانا بخون كل يوم واحده ؟؟!! كنت متأكذ ان ياسمين خطيبه مصطفي هترفضني لانها عارفه كل حاجه عني اكيد من مصطفي ولكنها صدمتني ووافقت عليه .. عرفت بعد كده ان مصطفي عمره ما اتكلم عني بكلمه وحشه قصادها وانه كان بيقولها انه بيحبني وحاسس اني اخوه اللي امه ما خلفتهوش ..



ماقدرتيش اخون ياسمين ولا مصطفي .. لسه في بنات مش بتبص علي المظاهر .. خطبتها وبقينا نحضر المحاضرات سوا واخلص اوصلها للبيت واروح انا عالشغل ... اتجوزنا خرجنا لعبنا ضحكنا بكينا صلينا وقرأنا قرآن روحنا سينما ومسرح وسفرنا ... 



اما ياسمين كانت بتسألني عن الحاجات اللي ندمت عليها .. كنت بندم علي جرحي لقلوب بنات كتير ياريت يسمحوني يارب ... بس لاقتها طلبت مني طلب غريب اوي ... قالت لي انت عارف يا عادل ان مصطفي مات فسنك ده تخيل انه ان كان جرح بنات زي اما جرحت كان هيبقي فالجنه ولا النار دلوقتي !!؟؟ انا يا عادل مسمحاك لاني عارفه عادل الجديد اللي مركز فشغله وما بيخونش ولا بيكذب ولا بيجرح فعشان كده عاوزك تعزمهم كلهم وتعتذرلهم عن اللي عملته فيهم وتعترفلهم انك غلطان انت دلوقتي ممكن تقول لكن ان كنت فمكان مصطفي كنت هتتمني تقول ولكن بعد فوات الاوان ...



دعيت كل البنات اللي كدبت عليهم وخونتهم في كتير منهم افتكروني بخون مراتي فكانت بتاخد مني السماعه ساعتها عشان تاكدلها علي العزومه وانها ممكن تيجيب اي حد معاها بس كلهم جم ومش معاهم حد كلهم جابوا هدايه عشان جوازنا وقفت فوسطهم كلهم قلتلهم انا فعلا اتغيرت بسبب مراتي ياسمين والمرحوم باذن الله مصطفي ... بعتذرلكم علي جرحي وكذبي وخيانتي ليكم .. كلهم طلعوا مناديل ومسحوا دمعهم وانا ياسمين حضنتي جامد وقالتلهم عادل الكذاب والخاين مات ده عادل جديد وانا وهو تحت امركم فاي حاجه انتوا اخواتي ومش عاوزكم تمشوا من هنا وانتوا زعلانين منه وادينا اهو اكلنا عيش وملح مع بعض 



عيشت حياة مختلفه وجميله اوي بسبب مراتي ياسمين هي السبب في كل حاجه حصلتلي .. روحت انا وهي لام مصطفي عشان نشوفها محتاجه ايه لاقينا عندها اللمبه بايظه فقومت عشان اغيرهلها بس كانت اخر لحظات حياتي كانت كهربا جامده ماسبتنيش غير وانا فحضن ياسمين وبقولها انا بحبك اوي ومستنيكي فالجنه وهي بتلقني الشهاده وانا برددها وراها ..



مستنيكي فالجنه يا ياسمين



في_بلاد_إسلاميكا
إسلاميكا
إسلاميكا
admin
admin

عدد المشاركات : 1394
العمر : 34
نقاط : 58644
تاريخ التسجيل : 05/07/2008

https://e6lamica.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى