انا فالنار 2
صفحة 1 من اصل 1
انا فالنار 2
اسمي نهي .. موت منتحره .. كنت قاعده فالبيت مع ولاد خالي فالبيت وكنت مكسوره اوي فقررت اني اولع فنفسي جبت الجاز وولعت في نفسي لاني مش عاوزه الحياة السوده ديه .. النار مسكت فجسمي ومسكت فالشقه كلها موت انا ومات معايا ولاد خالي .. وانا بموت شوفت شريط حياتي كنت بحب ادهم اللي اصغر مني بخمس سنين .. كنت بصحي وبنام علي صوته .. اخويا رفض خطوبتي منه بس استمريت اقابله من ورا اهلي ادهم كان بالنسبه لي الحاجه الوحيده النظيفه فحياتي .. كان بيتنا جحيم وكانت خروجاتي وسهري معاه هو الجنه بالنسبه لي .. اتقدملي ناس كتير وكنت بتحجج كل مره بحجه شكل ... لغايه اما اتقدملي زميل اخويا اللي متربي معانا من صغري واهلي كانوا مستنينلي علي تكه عشان ينفجروا فوشي فاضطريت اوافق عليه ... وبعد شهرين حاولت اطفش خطيبي فحكي لاخويا .. اخويا جالي وقالي هفسخ خطوبتك بس انتي جايه معايا بكره لدكتوره النسا عشان تعملي كشف عن العذريه .. قعدت اقوله ليه وايه الاسباب .. قالي انه مش واثق فيه وادهم اللي كنت بحبه في كذا بنت قدموا ضده بلاغ بانه ضحك عليهم وعمل اللي عمله واختفي .. انا انهارت طبعا كلمت ادهم وواجهته وقلت له اخويا ان عرف حقيقتي هيموتني .. بس ادهم قتلني قبل اخويا لما قالي مش مشكلتي مشكلتك انتي .. قلت له واللي بينا وعدك لي بالجواز انا ممكن اهرب معاك ونتجوز .. قالي انا مايشرفنيش انك تبقي مراتي مراتي عمراها ما تبقي سهله ورخيصه زيك قفل السكه وقفل تليفونه .. حسيت اني موت استمر فالحياة لمين وليه هموت النهارده ولا بكره بعد الكشف ايه الفرق .. قررت الانتحار وانتحرت ... اكتشفت وانا فالنار ان الحياة اهون بكتير يارتني ما انتحرت .. كل يوم اجيب جاز وولع فنفسي وجلدي يسيح ويطلع لي جلد تاني ... مش قادره استحمل بجد
في_بلاد_إسلاميكا
[ندعوك للتسجيل في المنتدى أو التعريف بنفسك لمعاينة هذا الرابط]
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى