إسلاميكا
welcome to my forum , please sing up now .


انضم إلى المنتدى ، فالأمر سريع وسهل

إسلاميكا
welcome to my forum , please sing up now .
إسلاميكا
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الحرب مازالت مستمرة بين مصر واسرائيل

اذهب الى الأسفل

حصري الحرب مازالت مستمرة بين مصر واسرائيل

مُساهمة من طرف إسلاميكا الإثنين 29 سبتمبر - 19:07:46

الحرب مازالت مستمرة بين مصر واسرائيل

الحرب مازالت مستمرة بين مصر واسرائيل Sharonasoldier

الكل هيقول مش الحرب انتهت ويوم 6 أكتوبر اللي هو كمان كام يوم هو عيد تحرير سيناء وهذا العام وهوالعام ال 35 علي انتصار اكتوبر المجيد ، بس الجديد اللي هقوله في الحرب أنه دلوقتي لم تعد الحرب بين مصر واسرائيل قتاليه ، بل اتخذت اسرائيل طريق أخر لتنتصر علي مصر فمنذ احتلال اسرائيل سيناء قامت بزرع البانجو والحشيش هناك وقامت بنشره هناك حتي أصبحت سيناء الأن هي جنة الحشاشين ، بس مش ده موضوعي مع ان الحكاية مهمة بس فيه حاجات كتيره أوي أكثر أهمية وهي الشباب ، وده كان حواري مع واحد اسرائيلي :

إسلام : تفضل أنكم كنتم تحتلوا مصر في أنهي عصر ، عصر حرب سته أكتوبر أما هذا العصر

الأسرائيلي : طبعا ًهذا العصر .

إسلام : ليه ؟

الأسرائيلي : دلوقتي كل تفكير الشباب في مصر في الأغاني والافلام التي يحفظونها عن ظهر قلب ، وايضا ً الأن نستطيع تجنيد الشباب وبسهولة كجواسيس لاسرائيل وهم لا يشعرون ، فهم الأن أجيال بلا قراءة لا يعرفون شئ عن العالم لا يعرفون شئ عن الحروب ، ولا يعروفون أجدادهم كلفونا قد ايه في حرب 6 أكتوبر ، ده جدي كان بيقولي احنا كنا بننسحب كل ما نسمع كلمة الله أكبر بتخرج من أفواه المصريين وهما كلهم ايمان بالكلمة ، لكن دلوقتي يا إسلام انتم في مصر بتحربوا الدين وبتقولوا ان الدين كآبة وأنه سبب تأخركم ، مش عرفين قيمة دينكم كويس .

إسلام : يعني أنت تعرف !

الاسرائيلي : أنا أصلا ً عربي من أصل سوري بس والدي هرب من الفقر والجهل وراح اسرائيل واتجوز من أمي ، وخلفني وانا مسلم زيه .

إسلام : انا طبعا ً اتفاجأت بالحكاية ديه وقولت الحمد لله كده أقدر أكمل الحديث معه وأنا مطمن أنه مش هيخوني ويموتني ، وبعدين قولت له طيب أنت رأيك ايه في اعتبار الشباب في مصر ان الدين يدعوا الي التأخر ؟

الأسرائيلي : رأي باطل طبعا ً ديه أول آية نزلت في القرآن هي أقرأ ، ولكن انت عارف يا إسلام المشكلة مش في كده ، المشكلة أنه العالم كله بيقرأ الا العرب بيلعبوا ، بيفكروا ازاي يقضوا علي بعض ، أهم شئ عندهم ان يكون رائيهم هو الأصح ولا يهمهم الحق وانت بتشوف ده في البرامج بتاعتكم ، بتبقي مش برامج بتبقي خناقات ،وكمان عندكم المسؤولين عندما يتسلموا الوظيفة لازم يطلعوا اللي قبلهم حرامي ، وأن المسؤل الحالي هو انزه راجل في العالم ويهدم كل اللي بناه اللي قبله ويبدأ من أول الطريق ، علي عكس الغرب الذين يقومون بتكمله المشوار ويبدؤن من حيث أنتهي من قبلهم .

إسلام : ده فعلا ً بيحصل وبنشوفه كل يوم في الجرائد ، كل مسوؤل يجي يقول في الجرائد سأقوم بحملة تصحيح أكنه في لجنة امتحانات ، ويقول أنا هعمل تغير شامل والناس بيتضحك عليها بالكلام ده طبعا ً .

الاسرائيلي : وما بيحصلش حاجة ، زي ما أحنا بنعمل مع فلسطين كده بنيم الزبون ونريحة ، وأحنا في الأخر اللي مستفدين ، والمصيبة الأكبر عندكم يا إسلام في التعليم ، وانت عارف انه مافيش شعب في العالم بيتقدم الأ اذا أهتم بالتعليم وده اللي حصل عندكم زمان في الأسكندرية في العصر البطلمي ، عندما أهتم بطليموس بالتعليم أصبحت الأسكندرية نور العلم وتوافد عليها العلماء من كل مكان وبفضل العلم ازدهرت العلوم وبفضل ذلك العصر الهلينستي حفظت لنا كثير من الآداب اليونانية واللاتينية واشياء قيمة كثيرة حتي الأن .

إسلام : اة فعلا ً ان درست العصر ده بما فيه من تقدم ، وان بطليموس عرف أنه عشان يبني دولة قوية لأزم يرتكز علي العلم ، بس أنا عوز اسألك سؤال انت عرفت ازاي المشكلات اللي عندنا ومشكلات التعليم ؟

الاسرائيلي : أحنا لازم نعرف بيجري أيه في مصر وايه المشكلات اللي بتواجه مصر .

إسلام : أنتم علي كده بقي عندكم ملف لكل قضية في مصر وبتحللوا الحاجات ديه طبعا ً .

الاسرائيلي : أة طبعا ً ، بس أهم الملفات عندنا هو ملف الشباب ، وما شاء الله السفارة بتاعتنا اللي في مصر دلوقتي عمله شغلها علي أكمل وجه وكل فترة واحد مصري بيهرب من مصر ويروح اسرائيل ، عشان هو حاسس أنه بالنسبة لينا كنز وأننا نتمني انه هو يجي أسرائيل .

إسلام : طيب ليه مش المفروض تعملوا زي ألمانيا أنكم ما تدخلوش أي غريب عشان تبقي السلالة بتاعتكم كلها اسرائيلين ؟

الأسرائيلي : أنت مجنون يا إسلام احنا أن عملنا كده يبقي بنقضي علي نفسنا وخلال فترة قليلة هننقرض .

إسلام : يا ولاد اللاذينه .. وفي أخر المطاف اما تحصل حرب يبقي مصري بيموت مصري بس اسرائيلي ، طيب وغير التجنيس بتعملوا ايه تاني ؟

الاسرائيلي : أحنا عندنا ملحق لملف الشباب ، وهو ملف التعليم وأحنا عرفين أن التعليم بايظ خالص عندكم .

إسلام : طيب والملحق ده مجاني ولا بفلوس ، أقصد يعني بتناقشوا فيه ايه ؟

الاسرائيلي : أحنا بنقول فيه أن دلوقتي الشباب المصري اللي بيتعلم جاهل ومش بيحب القراءة ، وده بسبب أنه بيعتقد ان الانسان بيتعلم عشان الشغل بس ، وده مش صحيح لأن الانسان بيتعلم عشان يشتغل ، وايضا ً بيتعلم عشان يفيد نفسه في حياته ويفيد المجتمع ويبقي عالم كبير ويفيد العالم وده اللي الأسلام بيقول عليه ، لكن الشباب المصري أهم حاجة عنده دلوقتي الأغاني وبيطبقوا اغنية ضحك ولعب وجد وحب علي أكمل وجه .

إسلام : ياريت كانوا بيطبقوها ، عشان ان اتطبقت ده معناه أن الجد موجود مع أنه ربع المعدله بس موجود ، لكن المشكلة أن حياة الشباب دلوقتي بقيت كلها ضحك ولعب وحب ، والجد مش موجود ، بس تفتكر العيب فين في نظام التعليم ولا المعلمين ولا المتعلمين ؟

الاسرائيلي : في الثلاثة يا إسلام ، فلازم تكون منظومة متكاملة ، فنظام التعليم عندكم أحتمال كبير أنه ما اتغيرش من أيام محمد علي ، وعندكم مافيش اهتمام بالتعليم في مرحلة الابتدائي والاعدادي ، وبيكون تعين المعلمين بالوسطة وبالكوسة مش عن طريق الكفاءة فالطلاب بيكرهوا التعليم ، وبعد كده يدخلوا لمرحلة التعليم الثانوي وهما غير مؤهلين لذلك ويصدموا بأمتحانات الثانوية العامة التي تغير مستقبلهم تماما ً ، فيصعدون الي الجامعة وقد تحطمت آمالهم في الحياة وفي التميز وفي العلم ، ويقول أخدت ايه من التعليم سوي قله القيمة أنا احسن لي اني أروح أصاحب اي بنت وبعد كده نبقي نتجوز ، ويقول بلا تعليم بلا وجع دماغ ، وكمان الناس اللي بتملك العلم ما بتنقلهوش أو بتنقله علي حسب أمزاجتهم واهدافهم .

إسلام : بس مش كل الناس كده فيه ناس كويسين كتير أوي وبتعلم بضمير وبتحب أنها تنشر العلم ، ولسه التعليم في مصر بخير الحمد لله ومش هتتغلبوا علينا .

الاسرائيلي : يا عم إسلام المشكلة مش في المدرسين بس والنظام والتلاميذ ، لاء ده في الأهالي كمان هما اللي مهملين في حق أولادهم ، يعني ولا 100 سنه عشان تصلحوا التعليم .

إسلام : انت عوز تحبطني النمرة غلط ، ده أنا أكتر واحد عنده أمل ولا يأس مع الحياة ، وبالموضوع ده أن شاء الله الناس تقرأ مش عشان نفسها ولا العمل بس عشان مصر ، وعشان كلنا نساعد بعض وعشان نبقي جيل قوي ومايتضحكش علينا بوعود وهمية ، وأنا الحمد لله ببدأ بنفسي بحاول اقرأ علي قد ما أقدر عشان يبقي عشان ثقافة أقدر أساعد بيها زميلي وعشان أفيد بلدي ، ده بلدك وأنا عارف ان كلام بيخوفك جدا ً ، بس أحب أخوفك أكتر أحنا عندنا في مصر ساعة الهزيمة والأنكسار بتظهر معادننا الأصيلة ، وانت عارف بكلامك ده أنت ما حبطتناش بل العكس خلتنا نشوف الحقيقة كاملة وعسي أن تكرهوا شئ ً وهو خيرا ً لكم .

الاسرائيلي : أنت بتحلم .

إسلام : أنا متاكد أن ان شاء الله ناس كتير هتستجيب للموضوع وهتبدأ بالقراءة وتعليم من حولها ، ويحاولوا أنهم ما يقلدوش حد ويبتكروا مثلما الشعب المصري عود العالم علي الأبتكار ، والأيام بيننا .

تأليف وكتابة وأعداد : ابو تريكة .
إسلاميكا
إسلاميكا
admin
admin

عدد المشاركات : 1394
العمر : 34
نقاط : 58644
تاريخ التسجيل : 05/07/2008

https://e6lamica.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى