حوار مع عصفور

حوار مع عصفور

وجدت عصفورا ً يطير بجواري فبدأت في الحديث معه ، وكان هذا نص الحوار .

إسلام : أنت حياتك كلها لعب ؟

العصفور : لعب ايه بس ؟

إسلام : مش انت كل يوم بتقعد تطير وتلعب وأحنا قعدين في زحمة المواصلات كل يوم ؟

العصفور : أنا ما بلعبش ، ده أنا بصحي الصبح بدري عشان أدور علي الأكل وبروح أزور أهلي واشوف أكل عشان ولادي .

إسلام : طيب واولادك بتسيبهم لوحدهم ؟

العصفور : لاء طبعا ً أمهم بتكون قعده معاهم ، عشان تنظف العشة عشان ان العشة بقيت مش نظيفة ممكن يجي النمل وممكن يموت حد من ولادي ، وكمان عشان ترقد علي البيض عشان يفقس .

إسلام : بس برضة حياتك سهلة بتلاقي الأكل بسهولة ومافيش مخاطر ؟

العصفور : ده بالعكس حياتي كلها مخاطر ، ده انا كل أما أجي اجيب اكل عشان اوديه لأولادي اللاقي قطة مستنية وتحاول أنها تكلني ، وكمان كل شوية واحد معه بندقية يحاول انه يصطدني ، وأساسا ً بقعد كتير أوي عشان اجمع شوية أكل يقدر أولادي يكلوهم .

إسلام : طيب أيه أهم الحاجات الي اتعلمتها ؟

العصفور : أني لازم اتعب واجري ورا رزقي عشان أقدر أكل انا وولادي ، وأني لازم أصبر ولازم أصحي من بدري عشان أقدر أجمع أكبر قدر من الطعام عشان ولادي ، وكمان أنا بعلم ولادي الصبر والمثابرة ، وأنهم أما يحاولوا أنهم يطيروا ويقعوا في أول مرة ده طبيعي ، عشان لسه بيتعلموا لكن مش الطبيعي أنهم ينسحبوا ويقولوا احنا مش هنطير ، لاء لازم يطيروا والا هيموتوا وما حدش هيساعدهم لأنهم ماساعدوش نفسهم في الأول .

إسلام : ياااااااااااة ده كلام جامد جدا ً .

العصفور : الأفضل من الكلام هو الفعل يا إسلام .

إسلام : عندك حق ، بس انت شايف البشر بيعملوا باللي انت بتقول عليه ده ؟

العصفور : فيه ناس بتعمل وفيه ناس منفضة ، مستنية أن السماء تمطر ذهب وهو مش عارف ان ده ان حصل ممكن يموته .

إسلام : اة ده حتي أن ما ممتش اما الذهب يجي علي رأسه ، هيموت من الحصره عشان ساعتها هيكون كل الناس معاها ذهب وهيبقي من غير قيمة بدون العمل .

العصفور : أة ، بس أنا مضطر أمشي دلوقتي عشان عوز أروح أشوف أبني عمل ايه في العش الي هو بيبنيه .

إسلام : أنت بتساعده في بناء العش علي كده ؟

العصفور : لاء انا سيبه يعتمد علي نفسه مع أنه صعبان عليه ، أصل أهل العروسة طلبين منه أنه يبني عشه كبيرة في وسط شجرة كبيرة ، وانت عارف ان ما فيش شجر كتير دلوقتي في البلد .

إسلام : حتي مشكلة الأسكان وصلت عندكم في الشجر ؟

العصفور : أة ، بس انا ما اعرفش ابو العصفورة فارد ريشة كده ليه مع أنه كان متجوز في الخريف وكان متجوز علي شجرة ما فهاش ولا شجرة .

إسلام : هي الحياة كده كل أما الواحد يكبر بينسي هو كان ازاي وهو صغير ، ومعلش أنا عطلتك روح الي بيتك بقي .

العصفور : ماشي ، الي اللقاء .

إسلام : الي اللقاء .

أعداد وتقديم : إسلاميكا .

انتاج : فبراير 2008 .

إسلام
بجد أنت أجمل حد عرفته فى حياتى

الله يخليك ، ده بس من زوقك ، أكيد في ناس كتير أفضل مني ممكن يكونوا جنبك ، بس من كتير ما هما جنبك مش حاسة بيهم ، مش اقصد عن الحب ولا الصداقة ، ممكن يكون والدك او والدتك ، من كتر اما بيكونوا جنبك بتبقي خلاص مش حاسة بوجودهم ، فأنت زي اما قولتي في موضوع غير حياتك ، حاولي تجربي كده واتخيلي ان انتي سبتي كل اللي حولك ، هل حياتك هتكون احسن ، انا أشك في ذلك .

مش بقولك أنت أتخنقت منى
عموما أنت عندك حق
بس خلينى أوضحلك وجه نظرى
إهتمام الأهل دة حاجه أنا مقدرش أعيش من غيرها
وكمان حبهم ليا وخوفهم عليا
دة كله أنا خلاص أتعودت عليه خلاص بس مقدرش أستغنى عنه
فالإنسان بيحتاج حب غير حب الأهل
وإهتمام غير إهتمام الإهل"يارب تكون فهمتنى"

اولا ً : انا ما اتخنقتش منك ولا حاجة .

ثانيا ً : انت عندك حق ، لأن ديه طبيعة في الأنسان ،بس اهم حاجة انه يكون بيقرب من ربنا .

الحمد لله الذى هدانى إليه وإلى كتابه الكريم
ودى اكتر حاجه دلوقتى بتقرب بيها لله
عسى أن يقبلنى من الصالحين

بجد والله الموضوع جميلا فعلا
واحد بيحتاج انه يلاقى حب غير حب الاهل بس اتا عن نفسى مش حادور على الحب ده الا ما اخلص دراسه

حوار مع عصفور

حوار مع عصفور

رد: حوار مع عصفور

رد: حوار مع عصفور

رد: حوار مع عصفور

رد: حوار مع عصفور

حوار مع عصفور

رد: حوار مع عصفور