الفرق بين نجوم زمان والسوبر ستار دلوقتي

الفرق بين نجوم زمان والسوبر ستار دلوقتي

السوبر ستار ، النجم السوبر ، هي ألقاب دلوقتي بتطلق علي اي واحد بيعمل ايه حاجة .

فعشان كده انا حبيت أوضح الفرق بين نجوم زمان والسوبر ستار دلوقتي .

النجم : في الأصل هي كرة غازية مضيئة ، وأقرب نجم الي كوكبنا هو الشمس ، والنجوم كانت تستعمل قديما ً لكي يهتدي المسافر الي طريقة ، وكانت هي الوسيلة الأكثر سهولة لمعرفة الطرق بالليل ، أي قديما ً كان يقصد بالنجم الهدايه ، وحتي الأن يستخدم بعض الأشخاص بعض المصطلحات التي كانت متصله بالنجم قديما ً ، فمثلا ً تجد شخص يقول لأخر ربنا يهديك الي الطريق الصح وهكذا .

وبعد ذلك بأزمنة كثيرة وصلنا الي السينما المصرية وبداية أطلق لقب النجومية علي أبطال او شخصيات السينما ، وهذا شئ خطير ، فأن طبقنا اسم نجم بالمعني القديم ، فهو يعني انه قدوة في تعاملاته ويهدي الناس للأصلح ، وهذا كان لا يتوافر في معظم نجوم السينما ، فتجد مشاهد الخمرة والرقص وكل هذه الأشياء متواجده بكثرة ، بس علي الأقل كان في نجوم زمان بعض الهداية ، فكانت لأعمالهم اهداف اجتماعية واخلاقية ، مع أختلافي في طريقة توصيل تلك الأفكار ، بس كانوا بيهدوا بطريقتهم .

وبعد عده سنوات ، أتي هذا الزمان ليطلق لقب النجم علي أي شخص يشتغل في أي مهنة أو يقوم بأي عمل ، وتجد ذلك واضحا ً في شاشات التلفزيون ، فيقولون في أي برنامج ومعانا النجم ... ، وهتلاقي أساسا ً الشخص ده ولا هدي الناس بأي حاجة ، وتلاقي صورة في المجالات كل يوم بفضيحة جديدة ، هل ده مفهوم النجم دلوقتي ؟ انا مش عارف .

المهم مع التطور الطبيعي للكلمة ، وجد الناس ان كلمة النجم بقيت أكتر من التلفزيون في البيوت ، فقالوا نقول حاجة جديدة ، فقالوا سوبر نجم ، يعني شوفوا قمة العبقرية ، يعني احنا مش عاجبنا انهم يكونوا نجوم ، يبقوا كمان نجوم سوبر ، وأكتر حاجة خنقتني هو نجم الجيل ، يعني هو الشحص ده اللي فاضيحة مليه الدنيا هو نجم الجيل بتاعنا ، اللي طول الفيلم بتاعه طالع بالشورت ، وعمال يعاكس فديه وديه .

بجد مش هقدر أقول في أخر الموضوع غير جملة وحده .

ربنا يهدي النجوم ، عشان يهدونا .