إسلاميكا
welcome to my forum , please sing up now .

انستا حياة واهدافك فالحياة ؟!!

استعرض الموضوع السابق استعرض الموضوع التالي اذهب الى الأسفل

cool انستا حياة واهدافك فالحياة ؟!!

مُساهمة من طرف إسلاميكا في الثلاثاء 27 يونيو - 4:27:58

انستا حياة واهدافك فالحياة ؟!!





في روايه اسمها انستا حياة بتتكلم عن ايه السبب الحقيقي اللي مخليك متبت فالحياة وعاوز تعيش هدفك الشخصي انتى اللي ربنا خلقك عشان انت اللي تحققه بس ؟؟ وحاول فالروايه يلاقي عشر اسباب للحياة ..
انا بقا مش هعيد الروايه وهي بجد رواعه بس هكلمكم عن اهدفنا واسلوب حياتنا هل فعلا احنا عايشين ولا موتنا قبل ميعادنا ؟؟!!!

كتير مننا بيفكر ان هدفه الجواز والخلفه ويكون اسره طيب وبعدين وصلت للهدف ده حياتك هتنتهي بعده ماهو خلاص مافيش اهداف تاني ... هتصحي تروح الشغل تطحن ترجع تاكل وتنام تصحي تروح الشغل ميت من جواك ..

هدفك من الشغل ايه االفلوس صح تفضل مطحون طول اليوم وتروح مهدود وتنام وترجع تشتغل تاني ... محتاج فلوس وانت فالحقيقه مش بتشتغل عشان تعيش انت بتعيش عشان تفضل تشتغل بتاكل بس عشان تعرف تشتغل الاكل بالنسبه لك معدوم الطعم والريحه ..

هدفك انك تسافر ايون البلد ديه ما تتطقش .. طيب انت عندك مقومات الشغل بره ؟؟ هتشتغل في نفس مجال ولا هتروح تشتغل في مطاعم وفنادق ؟؟ معاك لغه او اقامه ؟؟ هتروح تعمل قرشين وتيجي مصر تعيش بيهم وبعدين انت كده حققتك ذاتك جمعت فلوس وهتبقي غني ؟؟

اهداف كتيره اضحك علينا بيها واحنا صغيرين ذاكر عشان تجيب مجموع وتخش الكليه اللي انت عاوزها وفالاخر ولا جبنا مجموع ولا دخلنا كليه عاوزينها ... كتب الدراسه كانت كل سنه بتتباع عشان يجاب غيرها ... ارمي من مخك معلومات السنه اللي فاتت في حشو جيلك فالطريق ..

اهداف وطموحات فشنك متخيل ان كل الحاجات ديه هي اهدافك وطموحاتك عشان تفضل عايش ؟؟

في شباب انتحروا واللي جالهم انهيار عصبي بسبب اننا خلينهم معتقدين ان حياتهم كلها معتمده علي نتيجه الثانوي العام ان جاب مجموع هيبقي ملك وان لا هيعيش غفير وفالاخر كلنا اكتشفنا ان كليات مصر كلها بلح يا معلم وبعد الكليه محتاج سي في عشان تشغتل بقدراتك والمؤهل فيه مابيكملش نص سطر ؟!!

متخيل ان في بنات كان حلمها انها تتجوز وتخلف بس فالحياة واما اطلقت مالاقتيش حل غير الانتحار لان ده الهدف والطموح اللي اتربت عليه من صغرها .. الست ملهاش الا بيتها وجوزها ..

اهداف فشنك وطموحات ورق بتطير كانها سراب وتعيش في عذاب وقرف طول عمرك ..

كان فيلم فيلم بيحكي عن كاتب مسرحي كان مسجون بسبب ان كتباته بتأثر علي المجتمع .. وهو فالسجن كان في ناس بتساعده وتجيبله حبر عشان يكتب فاتمسك واتاخد الحبر بقا يكتب بالصابون علي المليات وناس تنقل الكلام وتكتبه فكتب فاتمسك فبقا ينقل تاليفه عن طريق المساجين اللي جنبه ده يملي ده يملي ده فاتمسك فالاخر اخر اما زهقوا منه حطوه في سجن لوحده وخدوا كل لبسه منه .. دخلوا عليه لاقوه مقطع ايديه الاتنين وكاتب بدمه عالحيطان رغم انه مات لكنه فضل عايش بكل اللي عمله بكفاحه عشان يحقق هدفه عاش فعلا وفي ناس كتير عايشه لكنها ميته ...

اوجد لنفسك اسباب للحياة .. لا تعتمد علي اشخاص بل تعتمد علي ذاتك كافح حارب قاتل ولكن عش اولا حتي لا تصبح جثه او انسان آلي يكرر ايامه استمرار .. الكون كبير اوي اوي اوي ماتزنقش نفسك في ركن وتعيش في جحور وتسيب كون كامل ربنا خلقه عشانك انت 😉😊

[ندعوك للتسجيل في المنتدى أو التعريف بنفسك لمعاينة هذا الرابط]
avatar
إسلاميكا
admin
admin

عدد المشاركات : 1392
العمر : 28
نقاط : 35428
تاريخ التسجيل : 05/07/2008

معاينة صفحة البيانات الشخصي للعضو http://e6lamica.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى