الأتوبيس
إسلاميكا :: القسم العام :: المنتدي العام
صفحة 1 من اصل 1
الأتوبيس
من طرف إسلاميكا الثلاثاء 30 سبتمبر - 12:41:05
الأتوبيس
لقطة من فيلم أحنا بتوع الأتوبيس لعادل أمام ( وعادل أمام هو أبرع الممثلين في التحدث عن مشاكل الأتوبيس الحقيقية ) .
تصنيف الناس الراكبون للأتوبيس :
معظمهم من الطبقة الوسطة والفقيرة والمعدمة .
أماكن تواجد الأتوبيس :
في كل مكان في مصر ، ده ممكن تحلم بيه كمان .
تصنيف الأتوبيسات :
1 - الأتوبيس الأحمر والأزرق : دول ممكن يكونوا من عصر المماليك بتبقي العربية بتولع ومليئة بالدخان ، واحيان أخري تجد في بعض الأماكن في الاتوبيس منطقة تستطيع أن تري الأسفلت منها وممكن يقع منها أي واحد مش واخد باله من الحته ديه ويروح في شربة ميه يا عيني ، وتجد عند منطقة الكوتش قبه وعليها كرسي الي يقعد عليها يبقي مقرفس ومدكوك في بعضه ، وده في العاده بيكون بربع جنية او نص جنية او خمسة وسبعين قرشا ً ، وبيبقي ملئ علي الأخر عشان رخيص .
2 - الأتوبيس الأخضر : ده يعتبر اتوبيس محترم شويه احسن من النوع الأول بمراحل وده لسه داخل من 2005 بس أثبت وجوده ، مع وجود بعض العيوب في عدم الصيانة ، وانهم في أحيان كثيرة يختفون عن الأنظار بحجة الذهاب الي الجراج ، ويتراوح سعر التذكرة من جنية الي جنية ونص للميني باص الأخضر برضه .
3 - الأتوبيس الازرق المكيف ( الضخم ) : ده بقي اتوبيس به تكيف ، مع وجود عربيات التكيف بها عطلان بس أحسن من العادي ، والتذكره فيه تتراوح من 2 جنية الي 3 ونص ، ودرجة الازدحام به قليلة .
طموحات الناس بتوع الأتوبيس الي انا منهم وبفتخر أني منهم :
1 - المتجوزين والناس الكبيرة في السن : طموحاتهم أنهم يعيشوا ويقدروا يجيبوا الأكل لأولادهم ، مع أنهم مقهورين في الشغل لكنهم راضين ، معظم مشاكلهم تتركز علي الغلاء الي بيحصل وان خلاص الطبقة المتوسطة هتبقي فقيرة ، وبيفكروا في بكره ولادهم هتتصرف ازاي في الغلاء ده ، وهل ابنه هيحقق الي هو بيتمناه وينجح ويبقي حاجة كبيرة عشان يحس أنه عرف يربي وأن تعبه ما راحش علي الأرض .
2 - الشباب : فيه شباب بيفكروا ازاي ينجحوا في الجامعة ويكملوا دراسات عليا ، وفيه ناس بتفكر هيعملوا ايه في الشغل ويحاولوا انهم يوصلوا لشغل كويس ويكون مناسب أنه يقدر يحوش منه ثمن الشقة عشان يتجوز ، وفيه شباب تانية بتفكر في الأغاني واللعب والشات علي النت وهيكلم البنت ازاي النهاردة ، ويرنلها ولا يسبها هي الي تتصل عشان تتحمل هي المكالمة .
3 - السيدات : الهم الرئيسي والأكبر هو الزوج والأولاد والعائلة ، وبعد كده تنتقل إلي العمل والنجاح في العمل .
4 - الفتيات : في بنات أهم حاجة عندهم الأغاني والشات ومنظرها قصاد الشباب ، وفي بنات اهم حاجة عندهم التفوق الدراسي اوالحصول علي الوظيفة الملائمه لهم وبيعرفوا يستثمروا اوقاتهم كويس .
5 - الأطفال : في بعض الاحيان يصعد الأطفال الي الاتوبيس عشان مش هيدفعوا فلوس ، وفيه البعض منهم بيكونوا هربانين من المدرسة .
عندما تصعد فتاة شيفه نفسها ولبسه لبس مش محترم بيكون هناك ثلاث أصناف من الشباب :
1 - النوع الأول : بيكون متضيق جدا ً ويقعد يشتم في البنت ، ويقول ده أخر زمن ، وتلاقيه انه مركز معاها وعمال يبص عليها .
2 - النوع الثاني : بيفرح جدا ً ويقول النهاردة يوم جميل ، وبينقسم الي عده انواع :
أ - شاب يكتفي بالنظر فقط . ب - شاب يقوم بالمعاكسة بالكلام والنظر اليها . ج - شاب لا يكتفي بالكلام ولا النظر ويحول ان يلتصق بها ويتحرش بها .
3 - النوع الثالث : الي هو بيكره لبسها لكن ما يكرهش الفتاة ديه وبيدعلها بالهدايه ، ويقول في نفسه أن حد وراها الطريق أكيد هتبقي أنسانه تانية ، والنوع ده ما بيحركهوش شهوة النفس ولا انتقام للذات ( انتقام للذات : بمعني أنه يقعد يشتم في البنت عشان هو مش قادر يبص عليها ونفسه يبص ) .
عندما تصعد أمرأة عجوزة أو امرأة تحمل طفل :
1 - فيه أشخاص يقومون بمجرد رؤيه السيدة .
2 - فيه أشخاص بيبقي عاوز يقوم بس المشكلة أنه بيكون بعيد عن السيدة ، وعشان توصله لأزم تعدي من الناس الي ملين الأتوبيس .
3 - فيه أشخاص بينفضوا ويقولوا هي كانت أمي ، أنا راجع تعبان وأنا أحق بالكرسي منها .
القوانين المعترف بها في الأتوبيس :
1 - أنك اما تكون واقف في الأتوبيس تمسك في الحديده بتاعت الكرسي في أي جهه انت تختارها وتوجه نظرك الي الشباك ، حتي لا تعطل حركة المرور في الأتوبيس .
2 - عند مرورك في الأتوبيس من الناس لازم أن تمر بالجنب وليس بالعرض ، والا هتلاقي الناس كلها بتتخانق معاك .
3 - عندما تمر وواحده ست واقفه لازم تعدي بظهرك .
4 - أة صحيح نسيت لازم تدفع التذكره ديه أهم حاجة والا هتروح في ابو نكله .
عند وجود مكان فارغ :
1 - عند وجود سيدات واقفات يتم أفساح لهم الطريق ، عشان يجلسوا وعدم البقاء بجوار الكرسي الذي قومت بأجلاس السيده عليه عشان هي ما تشعرش بالأحراج ، وعشان أحنا نقدر نستحمل الوقفه لكن هم لاء ، وكمان حفاظا ً لهم من أي تحرش قد يحدث .
بس في الحقيقة ده مش بيحصل كتير ألا اذا كانت السيدة فتاة صغيرة وجميلة ، وكمان أول ما تلاقي مكان فاضي تلاقي الناس بيجروا عشان يلحقوا المكان علي أساس المكان هيطير .
2 - في حالة عدم وجود اي سيدة او فتاة واقفين ، فخلاص أقعد براحتك عشان الباقي هيكونوا رجاله ويقدروا يستحملوا .
صفات الكمسري :
1 - لازم يكون عنده صبر ويقدر يتصرف مع نوعيات الناس المختلفه الي بيقابلهم في الأتوبيس .
2 - يكون لديه مهارة في فك الخناقات وحلها .
والحقيقة بعيده عن كده بكتير ...
أصناف سواق الأتوبيس :
أولا ً : معظم سواقين الأتوبيس اسمهم أشرف أو أسم أشرف ده أسم حركي لسواق الأتوبيس ما اعرفش .
ثانيا ً : السواقين من حيث السرعة يوجد من يقود بسرعة كبيرة ، ومن يقود بسرعة بطيئة جدا ً ، ومن يقود بسرعة متوسطة ، وأنت وحظك بقي بس أكيد هتتخنق من السواق .
ثالثا ً : من حيث الالتزام بالوقوف في المحطات ، فيه سواق يشلك يقعد يوقف في كل محطه حتي أن ما فيش حد فيها ، وفيه سواق كويس أحسن من الأول بيقف عند الناس بس ، وفيه سواق ما بيقفش خالص .
تصنيف الجلوس :
أ - واحد يكون قاعد ومطلع رجله بره .
ب - واحد يكون قاعد وحاطط شنط سده الطريق .
ج - واحد يكون قاعد ومش مخليك تعرف تقف حاطط أيده علي حديده الكرسي الي المفروض انت تمسكها ، أو حاطط رأسه بحيث لا تستطيع ان تضع يديك علي الحديده .
تصنيف الواقفين :
ا - اذا كانت الأتوبيس فاضي تستطيع أن لا تنظر الي الشباك وان تعطي ظهرك للكرسي لكي تستند عليه ، وعلي فكره اما بتسند ظهرك عليه بتحس أكنك قاعد ، وفيه برضه مكان الي هو عند الباب الي ورا ممكن تجلس علي الحديد الي هو جنب الباب .
ب - اذا كان الأتوبيس ممتلئ ستجد صفوف ، والأكثر ارتياح هو من يكون واقف جنب الكرسي وماسك في الحديده ، لأنه ممكن تلاقي ثلاث صفوف وراك فأن وقفت في أي صف منهم هتتخنق .
ج - البعض يشعر بالراحة بالابتعاد عن الكتمه والوقوف عند السلم ، وفي معظم الأحيان تحصل خناقات كثيرة بين الكومسري والناس الي وقفه علي السلم عشان يطلعوا .
مواقف شخصيه حدثت معي في الأتوبيس والميني باص:
1 - كنت نازل في مرة وبعدين وانا بحرك ايدي عشان اطلع قدام ، وانزل عند سلم الجامعة قومت ضربت واحد قاعد علي قفاه ، وبعدين أتأسف للراجل وكان المهم كان قاعد جنبه زميلة قالي اضربه تاني ، بس ساعتها كنت مكسوف كسفه . بس الحمد لله ان الراجل ما كنش بيتخنق بسرعة ، والا كنت هخد حته علقة أنما ايه جميلة .
2 - كنت راكب أتوبيس وانا رايح الجامعة ، وبعدين لاقيت ضباط واقفين علي الكوبري ( الضباط الي بيبقوا واقفين علي الكوبري أما الرئيس بيبقي معدي ) والطريق بيقف كتير ، وكنت في اليوم ده واقف قصاد الكومسري وبعدين الكومسري بقي عمال يكلمني وحسيت من كلامه لأما انه مخبر لأما عاوز يوديني في ستين دهيه ، فكنت بسمع له وساكت مبتسم ، بس قعدت اضحك علي نفسي بعد أما نزلت من الأتوبيس وقولت الحمد لله اني خلصت من الرجل ده .
3 - في أحد المرات ، الناس من كتر زهقها قعدوا يتكلموا علي حالهم ، قاعدوا يتكلموا علي أرتفاع الأسعار وازاي الزيت والسكر غليوا في التموين ، وتلاقي البسمة علي شفاههم وتشعر من كلامهم بمدي الأسي والحزن ، وتشعر بقيمتهم الكبيرة ومدي التضحية الي بيعملوها ، وفي حديثهم تتطرقوا لأشغالهم ورؤسائهم في الوظيفة وازاي الرؤساء بيمصوا دم المواظفين العادين ، فراجل رد عليهم قال يا جماعة انا راجل ماشي جنب الحيط أهم حاجة عندي أني أاكل عيالي ياااااااة علي قيمة الراجل ده العظيمة .
4 - كنت واقف في مره ورأيت رجل سيطير من الفرح لأنه ظهر في التلفزيون وهو كله آمال ، وتتوافد عليه التهنئة عبر الهاتف ، حسيت من كلامة بالمعني الحقيقي للنجاح ، فمن الجميل أن تنجح والأجمل أن تجد من يفرح بنجاحك بجد أحساس غاية في الروعة .
5 - وانا واقف في مره جت ست كبيرة بس يعني تقدر تقف ، قامت مصحيه شاب شكله انه تعبان من الجامعة ، وكان هذا الشاب غارق في النوم ، وقالت يا ابني انا عاوزه أقعد فالشاب قام لها وقعدها وهو عينه مليئة بالنوم .
6 - وموقف أخر لسيدة كبيرة طلبت من راجل ان يقوم عشان هي تقعد والراجل سنه في حدود 35 عام فرفض ، وقالها ما انا كمان كبير وهتعب ان واقفت .
7 - وموقف أخر لسيده لا تستطيع أن تقف وبعدين قعدت تقول يا جماعة ما فيش حد ابن حلال يقوم واقعد عشان انا تعبانه ، ومافيش حد أتحرك وفي الأخر بنت هي الي قامت وقعدت الست الكبيرة ، مع العلم ان في ذلك اليوم ان 95 % من اللي كانوا قاعدين رجاله .
8 - الشعلقه في الأتوبيس بتحصل كتير مني عشان فيه ناس بتبقي سده السلم ، وانا عاوز اروح الجامعة مع الخطورة الكبيرة للحكاية ديه بس المضطر يركب الأتوبيس ، وفي مرة من المرات اتشعلقت في الزجاج بتاع الأتوبيس وانا يا دوب لامس سلم الاتوبيس برجلي وفضلت علي الحال ده محطة كمله ، وانا عمال اقول ما فيش حد هينزل ولا ايه وانا ان كنت سبت الزجاج في اليوم ده كنت ضعت .
9 - فيه خناقات كتيرة بتحصل بسبب الباب الي ورا الي جنب الكومسري ، والكومسري يقعد يحلف أنه مافيش حد نازل من الباب ده ، وأنه اما بينزل خط السلام بيشوف اسوأ معاملة ، بس في الأخر بيفتح الباب .
10 - أحسن حاجة في الشعب المصري أنهم بيكونوا مع السواق في الحق أو الباطل ، يعني أي حد من الركاب اختلف مع السواق يقوموا هما متحدين ضد الراكب ويقعدوا يشتموا في الرجال ويكون السواق هو الي غلطان ، والله شعب غريب .
11 - مرة وانا في الميني باص بعد أما دفعت انا والي جنبي ، الراجل الي بيلم الفلوس جلنا يقولنا انتم ما دفعتوش وبعد فترة ساب الي جنبي وقاله انا افتكرت انك دفعت ، وقالي لكن انت مش فاكر اني شوفتك وانت بتدفع ، يعني ما اعرفش عشان يشوفني وانا بدفع اتصور معاه .
12 - قبل كده كنت راكب اتوبيس وقعد ساعتين لغاية ما وصلنا العباسية مع ان الطريق اساسا ً بيأخد ساعه ، الناس اتخنقت أوي وواحد منهم قال انا ايه اللي خالني ركبت الأتوبيس المنيل ده ، وانا برده اتخنقت منه أوي وانا من سنتين ما ركبتهوش الا مرة ولا مرتين بس .
13 - أنا بطبعي أما بتكون جنبي واحده ست بحاول اني ابتعد عنها ، ولكن ساعات بيبقي فيه ضغط كبير عليه وبحاول اني انتصر واني ما اجيش جنب البنت او الست ، بس ضلوعي بتتكسر في اليوم ده ، عشان كده بكره اني اقف جنب وحده ست . وفي مرة كنت واقف جنب واحده وبعدين لاقيت مكان بعيد عنها وأما صدقت ارتحت وجه مكاني واحد وقف جنبها ماكنش بيقاوم ولا حاجة لاقتها بتقولي تعاله اقف عشان انا ما كنتش باجي جنبها ، انا اتخنقت منها وقلت ده انا اما صدقت اني بعدت عنك ارجع تاني ونفضت وما روحتش .
14 - الشتيمة : ديه بقي منتشرة بين السواقين والتابعين الميني باصات حتي في رمضان ، وكانت الشتيمة بالنسبة ليهم هزار بيهزروا بيه مع بعض .
15 - السرقة : بقيت في كل مكان والغريبة ان الكومسري بيبقي عارف الحرامي ويحاول يشاور للناس أن الراجل الي طالع او الي في الأتوبيس حرامي ، بس المشكلة بقي أن الحرامي في الأخر برضة بيسرق وينزل ، والحرامي ما بيهمهوش هو في رمضان ولا لاء .
تأليف وإعداد وكتابة وذكريات : ابو تريكة .
لقطة من فيلم أحنا بتوع الأتوبيس لعادل أمام ( وعادل أمام هو أبرع الممثلين في التحدث عن مشاكل الأتوبيس الحقيقية ) .
تصنيف الناس الراكبون للأتوبيس :
معظمهم من الطبقة الوسطة والفقيرة والمعدمة .
أماكن تواجد الأتوبيس :
في كل مكان في مصر ، ده ممكن تحلم بيه كمان .
تصنيف الأتوبيسات :
1 - الأتوبيس الأحمر والأزرق : دول ممكن يكونوا من عصر المماليك بتبقي العربية بتولع ومليئة بالدخان ، واحيان أخري تجد في بعض الأماكن في الاتوبيس منطقة تستطيع أن تري الأسفلت منها وممكن يقع منها أي واحد مش واخد باله من الحته ديه ويروح في شربة ميه يا عيني ، وتجد عند منطقة الكوتش قبه وعليها كرسي الي يقعد عليها يبقي مقرفس ومدكوك في بعضه ، وده في العاده بيكون بربع جنية او نص جنية او خمسة وسبعين قرشا ً ، وبيبقي ملئ علي الأخر عشان رخيص .
2 - الأتوبيس الأخضر : ده يعتبر اتوبيس محترم شويه احسن من النوع الأول بمراحل وده لسه داخل من 2005 بس أثبت وجوده ، مع وجود بعض العيوب في عدم الصيانة ، وانهم في أحيان كثيرة يختفون عن الأنظار بحجة الذهاب الي الجراج ، ويتراوح سعر التذكرة من جنية الي جنية ونص للميني باص الأخضر برضه .
3 - الأتوبيس الازرق المكيف ( الضخم ) : ده بقي اتوبيس به تكيف ، مع وجود عربيات التكيف بها عطلان بس أحسن من العادي ، والتذكره فيه تتراوح من 2 جنية الي 3 ونص ، ودرجة الازدحام به قليلة .
طموحات الناس بتوع الأتوبيس الي انا منهم وبفتخر أني منهم :
1 - المتجوزين والناس الكبيرة في السن : طموحاتهم أنهم يعيشوا ويقدروا يجيبوا الأكل لأولادهم ، مع أنهم مقهورين في الشغل لكنهم راضين ، معظم مشاكلهم تتركز علي الغلاء الي بيحصل وان خلاص الطبقة المتوسطة هتبقي فقيرة ، وبيفكروا في بكره ولادهم هتتصرف ازاي في الغلاء ده ، وهل ابنه هيحقق الي هو بيتمناه وينجح ويبقي حاجة كبيرة عشان يحس أنه عرف يربي وأن تعبه ما راحش علي الأرض .
2 - الشباب : فيه شباب بيفكروا ازاي ينجحوا في الجامعة ويكملوا دراسات عليا ، وفيه ناس بتفكر هيعملوا ايه في الشغل ويحاولوا انهم يوصلوا لشغل كويس ويكون مناسب أنه يقدر يحوش منه ثمن الشقة عشان يتجوز ، وفيه شباب تانية بتفكر في الأغاني واللعب والشات علي النت وهيكلم البنت ازاي النهاردة ، ويرنلها ولا يسبها هي الي تتصل عشان تتحمل هي المكالمة .
3 - السيدات : الهم الرئيسي والأكبر هو الزوج والأولاد والعائلة ، وبعد كده تنتقل إلي العمل والنجاح في العمل .
4 - الفتيات : في بنات أهم حاجة عندهم الأغاني والشات ومنظرها قصاد الشباب ، وفي بنات اهم حاجة عندهم التفوق الدراسي اوالحصول علي الوظيفة الملائمه لهم وبيعرفوا يستثمروا اوقاتهم كويس .
5 - الأطفال : في بعض الاحيان يصعد الأطفال الي الاتوبيس عشان مش هيدفعوا فلوس ، وفيه البعض منهم بيكونوا هربانين من المدرسة .
عندما تصعد فتاة شيفه نفسها ولبسه لبس مش محترم بيكون هناك ثلاث أصناف من الشباب :
1 - النوع الأول : بيكون متضيق جدا ً ويقعد يشتم في البنت ، ويقول ده أخر زمن ، وتلاقيه انه مركز معاها وعمال يبص عليها .
2 - النوع الثاني : بيفرح جدا ً ويقول النهاردة يوم جميل ، وبينقسم الي عده انواع :
أ - شاب يكتفي بالنظر فقط . ب - شاب يقوم بالمعاكسة بالكلام والنظر اليها . ج - شاب لا يكتفي بالكلام ولا النظر ويحول ان يلتصق بها ويتحرش بها .
3 - النوع الثالث : الي هو بيكره لبسها لكن ما يكرهش الفتاة ديه وبيدعلها بالهدايه ، ويقول في نفسه أن حد وراها الطريق أكيد هتبقي أنسانه تانية ، والنوع ده ما بيحركهوش شهوة النفس ولا انتقام للذات ( انتقام للذات : بمعني أنه يقعد يشتم في البنت عشان هو مش قادر يبص عليها ونفسه يبص ) .
عندما تصعد أمرأة عجوزة أو امرأة تحمل طفل :
1 - فيه أشخاص يقومون بمجرد رؤيه السيدة .
2 - فيه أشخاص بيبقي عاوز يقوم بس المشكلة أنه بيكون بعيد عن السيدة ، وعشان توصله لأزم تعدي من الناس الي ملين الأتوبيس .
3 - فيه أشخاص بينفضوا ويقولوا هي كانت أمي ، أنا راجع تعبان وأنا أحق بالكرسي منها .
القوانين المعترف بها في الأتوبيس :
1 - أنك اما تكون واقف في الأتوبيس تمسك في الحديده بتاعت الكرسي في أي جهه انت تختارها وتوجه نظرك الي الشباك ، حتي لا تعطل حركة المرور في الأتوبيس .
2 - عند مرورك في الأتوبيس من الناس لازم أن تمر بالجنب وليس بالعرض ، والا هتلاقي الناس كلها بتتخانق معاك .
3 - عندما تمر وواحده ست واقفه لازم تعدي بظهرك .
4 - أة صحيح نسيت لازم تدفع التذكره ديه أهم حاجة والا هتروح في ابو نكله .
عند وجود مكان فارغ :
1 - عند وجود سيدات واقفات يتم أفساح لهم الطريق ، عشان يجلسوا وعدم البقاء بجوار الكرسي الذي قومت بأجلاس السيده عليه عشان هي ما تشعرش بالأحراج ، وعشان أحنا نقدر نستحمل الوقفه لكن هم لاء ، وكمان حفاظا ً لهم من أي تحرش قد يحدث .
بس في الحقيقة ده مش بيحصل كتير ألا اذا كانت السيدة فتاة صغيرة وجميلة ، وكمان أول ما تلاقي مكان فاضي تلاقي الناس بيجروا عشان يلحقوا المكان علي أساس المكان هيطير .
2 - في حالة عدم وجود اي سيدة او فتاة واقفين ، فخلاص أقعد براحتك عشان الباقي هيكونوا رجاله ويقدروا يستحملوا .
صفات الكمسري :
1 - لازم يكون عنده صبر ويقدر يتصرف مع نوعيات الناس المختلفه الي بيقابلهم في الأتوبيس .
2 - يكون لديه مهارة في فك الخناقات وحلها .
والحقيقة بعيده عن كده بكتير ...
أصناف سواق الأتوبيس :
أولا ً : معظم سواقين الأتوبيس اسمهم أشرف أو أسم أشرف ده أسم حركي لسواق الأتوبيس ما اعرفش .
ثانيا ً : السواقين من حيث السرعة يوجد من يقود بسرعة كبيرة ، ومن يقود بسرعة بطيئة جدا ً ، ومن يقود بسرعة متوسطة ، وأنت وحظك بقي بس أكيد هتتخنق من السواق .
ثالثا ً : من حيث الالتزام بالوقوف في المحطات ، فيه سواق يشلك يقعد يوقف في كل محطه حتي أن ما فيش حد فيها ، وفيه سواق كويس أحسن من الأول بيقف عند الناس بس ، وفيه سواق ما بيقفش خالص .
تصنيف الجلوس :
أ - واحد يكون قاعد ومطلع رجله بره .
ب - واحد يكون قاعد وحاطط شنط سده الطريق .
ج - واحد يكون قاعد ومش مخليك تعرف تقف حاطط أيده علي حديده الكرسي الي المفروض انت تمسكها ، أو حاطط رأسه بحيث لا تستطيع ان تضع يديك علي الحديده .
تصنيف الواقفين :
ا - اذا كانت الأتوبيس فاضي تستطيع أن لا تنظر الي الشباك وان تعطي ظهرك للكرسي لكي تستند عليه ، وعلي فكره اما بتسند ظهرك عليه بتحس أكنك قاعد ، وفيه برضه مكان الي هو عند الباب الي ورا ممكن تجلس علي الحديد الي هو جنب الباب .
ب - اذا كان الأتوبيس ممتلئ ستجد صفوف ، والأكثر ارتياح هو من يكون واقف جنب الكرسي وماسك في الحديده ، لأنه ممكن تلاقي ثلاث صفوف وراك فأن وقفت في أي صف منهم هتتخنق .
ج - البعض يشعر بالراحة بالابتعاد عن الكتمه والوقوف عند السلم ، وفي معظم الأحيان تحصل خناقات كثيرة بين الكومسري والناس الي وقفه علي السلم عشان يطلعوا .
مواقف شخصيه حدثت معي في الأتوبيس والميني باص:
1 - كنت نازل في مرة وبعدين وانا بحرك ايدي عشان اطلع قدام ، وانزل عند سلم الجامعة قومت ضربت واحد قاعد علي قفاه ، وبعدين أتأسف للراجل وكان المهم كان قاعد جنبه زميلة قالي اضربه تاني ، بس ساعتها كنت مكسوف كسفه . بس الحمد لله ان الراجل ما كنش بيتخنق بسرعة ، والا كنت هخد حته علقة أنما ايه جميلة .
2 - كنت راكب أتوبيس وانا رايح الجامعة ، وبعدين لاقيت ضباط واقفين علي الكوبري ( الضباط الي بيبقوا واقفين علي الكوبري أما الرئيس بيبقي معدي ) والطريق بيقف كتير ، وكنت في اليوم ده واقف قصاد الكومسري وبعدين الكومسري بقي عمال يكلمني وحسيت من كلامه لأما انه مخبر لأما عاوز يوديني في ستين دهيه ، فكنت بسمع له وساكت مبتسم ، بس قعدت اضحك علي نفسي بعد أما نزلت من الأتوبيس وقولت الحمد لله اني خلصت من الرجل ده .
3 - في أحد المرات ، الناس من كتر زهقها قعدوا يتكلموا علي حالهم ، قاعدوا يتكلموا علي أرتفاع الأسعار وازاي الزيت والسكر غليوا في التموين ، وتلاقي البسمة علي شفاههم وتشعر من كلامهم بمدي الأسي والحزن ، وتشعر بقيمتهم الكبيرة ومدي التضحية الي بيعملوها ، وفي حديثهم تتطرقوا لأشغالهم ورؤسائهم في الوظيفة وازاي الرؤساء بيمصوا دم المواظفين العادين ، فراجل رد عليهم قال يا جماعة انا راجل ماشي جنب الحيط أهم حاجة عندي أني أاكل عيالي ياااااااة علي قيمة الراجل ده العظيمة .
4 - كنت واقف في مره ورأيت رجل سيطير من الفرح لأنه ظهر في التلفزيون وهو كله آمال ، وتتوافد عليه التهنئة عبر الهاتف ، حسيت من كلامة بالمعني الحقيقي للنجاح ، فمن الجميل أن تنجح والأجمل أن تجد من يفرح بنجاحك بجد أحساس غاية في الروعة .
5 - وانا واقف في مره جت ست كبيرة بس يعني تقدر تقف ، قامت مصحيه شاب شكله انه تعبان من الجامعة ، وكان هذا الشاب غارق في النوم ، وقالت يا ابني انا عاوزه أقعد فالشاب قام لها وقعدها وهو عينه مليئة بالنوم .
6 - وموقف أخر لسيدة كبيرة طلبت من راجل ان يقوم عشان هي تقعد والراجل سنه في حدود 35 عام فرفض ، وقالها ما انا كمان كبير وهتعب ان واقفت .
7 - وموقف أخر لسيده لا تستطيع أن تقف وبعدين قعدت تقول يا جماعة ما فيش حد ابن حلال يقوم واقعد عشان انا تعبانه ، ومافيش حد أتحرك وفي الأخر بنت هي الي قامت وقعدت الست الكبيرة ، مع العلم ان في ذلك اليوم ان 95 % من اللي كانوا قاعدين رجاله .
8 - الشعلقه في الأتوبيس بتحصل كتير مني عشان فيه ناس بتبقي سده السلم ، وانا عاوز اروح الجامعة مع الخطورة الكبيرة للحكاية ديه بس المضطر يركب الأتوبيس ، وفي مرة من المرات اتشعلقت في الزجاج بتاع الأتوبيس وانا يا دوب لامس سلم الاتوبيس برجلي وفضلت علي الحال ده محطة كمله ، وانا عمال اقول ما فيش حد هينزل ولا ايه وانا ان كنت سبت الزجاج في اليوم ده كنت ضعت .
9 - فيه خناقات كتيرة بتحصل بسبب الباب الي ورا الي جنب الكومسري ، والكومسري يقعد يحلف أنه مافيش حد نازل من الباب ده ، وأنه اما بينزل خط السلام بيشوف اسوأ معاملة ، بس في الأخر بيفتح الباب .
10 - أحسن حاجة في الشعب المصري أنهم بيكونوا مع السواق في الحق أو الباطل ، يعني أي حد من الركاب اختلف مع السواق يقوموا هما متحدين ضد الراكب ويقعدوا يشتموا في الرجال ويكون السواق هو الي غلطان ، والله شعب غريب .
11 - مرة وانا في الميني باص بعد أما دفعت انا والي جنبي ، الراجل الي بيلم الفلوس جلنا يقولنا انتم ما دفعتوش وبعد فترة ساب الي جنبي وقاله انا افتكرت انك دفعت ، وقالي لكن انت مش فاكر اني شوفتك وانت بتدفع ، يعني ما اعرفش عشان يشوفني وانا بدفع اتصور معاه .
12 - قبل كده كنت راكب اتوبيس وقعد ساعتين لغاية ما وصلنا العباسية مع ان الطريق اساسا ً بيأخد ساعه ، الناس اتخنقت أوي وواحد منهم قال انا ايه اللي خالني ركبت الأتوبيس المنيل ده ، وانا برده اتخنقت منه أوي وانا من سنتين ما ركبتهوش الا مرة ولا مرتين بس .
13 - أنا بطبعي أما بتكون جنبي واحده ست بحاول اني ابتعد عنها ، ولكن ساعات بيبقي فيه ضغط كبير عليه وبحاول اني انتصر واني ما اجيش جنب البنت او الست ، بس ضلوعي بتتكسر في اليوم ده ، عشان كده بكره اني اقف جنب وحده ست . وفي مرة كنت واقف جنب واحده وبعدين لاقيت مكان بعيد عنها وأما صدقت ارتحت وجه مكاني واحد وقف جنبها ماكنش بيقاوم ولا حاجة لاقتها بتقولي تعاله اقف عشان انا ما كنتش باجي جنبها ، انا اتخنقت منها وقلت ده انا اما صدقت اني بعدت عنك ارجع تاني ونفضت وما روحتش .
14 - الشتيمة : ديه بقي منتشرة بين السواقين والتابعين الميني باصات حتي في رمضان ، وكانت الشتيمة بالنسبة ليهم هزار بيهزروا بيه مع بعض .
15 - السرقة : بقيت في كل مكان والغريبة ان الكومسري بيبقي عارف الحرامي ويحاول يشاور للناس أن الراجل الي طالع او الي في الأتوبيس حرامي ، بس المشكلة بقي أن الحرامي في الأخر برضة بيسرق وينزل ، والحرامي ما بيهمهوش هو في رمضان ولا لاء .
تأليف وإعداد وكتابة وذكريات : ابو تريكة .
إسلاميكا- admin
- عدد المشاركات : 1394
العمر : 34
نقاط : 59044
تاريخ التسجيل : 05/07/2008 -
إسلاميكا :: القسم العام :: المنتدي العام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى