رساله من حبيب

رساله من حبيب

رساله من حبيب 13305_1396377317125_1462983895_31108288_4597059_n

حبيبتى ممكن تسمعينى لو دقيقه

لو يوم قتلت الفرحه فى عنيكى البريئه

لو يوم بعدت ولا نسيت

او لحظه على قلبك قسيت

أنا فى الحقيقه

من كتر ما المشاغل فى بالى

اتغيرت وأنا بعترف تمام احوالى

وقسيت عليكى

وعاندت فيكى

ونسيت انك بين الورود

ورده رقيقه

لكن وربى ما اقدر انسى الذكريات

حبيبتى مهما العمر فات

هتفضلى فى الروح عبير

وعطر سارى فى الفؤاد

لكن اعذرينى

ولما اقولك صدقينى

وان كنت يوم قتلت احلامك هنا

وكرهتى كل الناس خلاص الا أنا

دا لان قلبك لسه نابض بالحياه

ولان أملك امل كبير

ما دام فى الله

افتكرى دايما مهما تبعدنى الظروف

وتهد فيا الدنيا وتشبعنى خوف

هفضل احبك واوعى يوم تنسيها ديا

ولو قسيت حنى عليا

ما انتى الحنان

أغيب ويرجع بيا تانى هنا الزمان

يلا اوعدينى

اوعى بقى مهما حصل

ومهما ورّانا الزمان يوم تكرهينى

المصدر : [ندعوك للتسجيل في المنتدى أو التعريف بنفسك لمعاينة هذا الرابط]