انا فالنار 5

اسمي علاء ... موت فحادثة طائرة ... .وانا بموت شوفت شريط حياتي .. كنت ملتزم بالصلاة والصيام والذكاة في اخر ايامي بقيت اقعد فالمسجد اكتر من اهل بيتي ... بس كنت اصلي من هنا واطلع اشتم فالناس الكافره اللي سايبين الصلاة وقاعدين يشوفوا الماتش .. اروح مراتي تنرفزني اقوم ضاربها واقعد اشتم فيها للصبح .. الصلاة بتمنع الشر بس انا استمريت فيه ليه ... اصوم وانا صايم اشوف منظر لواحده لابسه لبس عاريان اقعد اشتم واسب فيها واتمني من جوايا انها لو كنت شوفت ده بليل كان احسن ؟! الصيام عباده ليه بقي ببقي متعصب ومتنرفز وانا بأديها ؟؟ بطلع ذكاه باستمرار بس بعاير الناس اللي بديلهم لازم يحسوا بقيمتي ويدعوا لي من قلبهم مش بديلهم ذكاه ولا ايه ؟؟ في اخر ايامي كنت اشبه بالمعتكف ماكنتيش بروح غير عشان اكل وانام بس ؟! مراتي علي طول تتخانق معايا عشان مش بقعد معاها ولا بخرج معاها .. هي مش عارفه ان الانسان اتخلق لعبادة الله فقط .. تعمير الارض ما انا مخلف اربعه وكلهم اتجوزوا ؟! المفروض ان الناس بيحبوا اللي بيقرب من ربنا ولكن ناس كتير كانت بتكهرني وبتدعي عليه ليه ؟؟

لنا دلوقتي فالنار ... بس احب انصحكم تقربوا من الله حبا فالجنه مش خوفا من النار .. ماتكرهوش الناس فالدين بتدينكم الغلط عشان اما تمتوا تلاقوا اللي يدعيلكم مش اللي يدعي عليكم

في_بلاد_إسلاميكا