مسكت علبه الوان خشب وقلت هرسم حياتي

مسكت علبه الوان خشب وقلت هرسم حياتي ..

طلعت الوان الاسود لاقيت نفسي بفتكر دموع وكره وفراق .. علاقات كانت فالبدايه ذكري بيضاء وانقلبت للسواد 😾

احمر لون قلبي اللي ياما اتملي طعنات .. لون الدم والصراعات ... لون الحرب اللي كل يوم بندخلها في الحياة 😞

لون اصفر وازرق واخضر شمس فوقع عاليه فالسماء اللي لونها ازرق وتحت في اشجار وزهور كتيره .. الوان طموحتنا وأملنا كل يوم ان حياتنا بسيطه راحه نفسيه سما زرع مياه ضحك سعاده .. 😊

لون رمادي لعلاقتنا اللي ياما افتكرنا انها علاقه مع الشخص الافضل فالحياة ولكنه هو فالحقيقه اكتر شخص عذبك وملي دموعك دموع .. 😯

لون ابيض المفروض انه لون سطوع لون فستان فرح سعاده ... لون الميه لون قلوب صافيه بس مع وجع الحياة وتعبها ما قدرتيش اشوف اللون الابيض غير لون الدموع ..😞

ياريت نقدر نمسك اللالوان ومن تاني نرجع عيال وصوت الميس بتقول ارسمولنا بحر وفيه سمك والشمس طلعه والسما زرقه .. ارسمولنا ارنب ارسمولنا واحد بيضحك ارسمولنا عصافير ... عصفور واقف بيضحك من غير قناص واقف فظهره مستنيه يطير عشان يصطاده 😢

[ندعوك للتسجيل في المنتدى أو التعريف بنفسك لمعاينة هذا الرابط]
[/url]