المـــــــــــــــــــــــــــــــــــــــترو

[size=16]النهاردة ركبت مترو وانا نازل من سلم عشان انتظر المترو لقيت بنات كتير فقمت مشيت شوية قدام يجي عربية من المترو و اما المترو جية وركبت شفت الاول ظهر راجل بيركب فركبت فبعد اما ركبت لقيت انها عربية سيدات والمصيبة الاكبر ان ظهر الراجل لقيتة بنت فاحرجت اوي والمشكلة بقي انهم نقلوا عربيات السيدات في منتصف المترو بدل ما كانت في اول المترو من غير ماحد يقول دة يبقي كلام وكانت البنات واحنا نزلين في منتصف الطريق امامهم رجال ووراهم رجال دة معقولة كانوا في الاول محترمين ليهم مكان مخصص ليهم في اول المترو ومحدش هيجي جنبهم لكن دلوقتي محاصريين دة يرضي مين و هما يضمانوا منيين ان مفيش واحد ميكنش يعرف انها عربية سيدات ويصعد او يكون واحد يقصد فعلا ً ما اعرفش النظام الجديدة الجميل دة يقصدو بية اية ان حد يعرف يبقي يقولي عشان الواحد محتار دة انا من احراجي الشنطة مسكت في الباب سبتها وقمت نزلت من المترو المحطة اللي بعديها ولقيت ان المكان المخصص للسيدات علي مدار من ثلاث الي اربع عربات وقدمهم عربتيين معظمهم رجال وقبليها برضة عدة عربيات معظمهم رجال فكدة حرام والله وكان الاول احسن بمراحل كانوا بينزلوا ومحدش شيفهم وكمان المكان بتاعهم كان معروف فانا هفتح الحوار عشان اعرف ممكن يكون دة نظام وبيفكروا في حاجة الواحد ما يعرفهاش فياريت اي حد يقولي رائية في الموضوع دة
[/size]