نصائح للرجيم مع بعض التمرينات الرياضية

اولا نصائح

1- اول نصيحه هى ممارسة الرياضه قبل تناول الطعام مش بس بتسيح الدهون بنسبة 50% لكن بتسد النفس لما نيجى ناكل
2- لو انتى بنوته وعاوزه تخسى ومبتحبيش ممارسة الرياضه اعملى تمرينات ( الرقص ) منها تسليه ودى حاجه بينى وبين البنات الولاد ملهمش دعوه بيها
3 - اشرب او اشربى ميه كتير قبل الاكل علشان تحس بالشبع بسرعه
4 - ابتعد عن الدهون على قد ما تقدر حاول متكلش الاكلات اللى فيها سمنه يعنى
ولو فى رز او خضار ممكن ناخد بس بقميه قليله مع اللحمه والسلطه ولو مفيش لحمه مفيش مشكله كل السلطه
5- ياريت نبعد عن اى حد بياكل ومنفضلش نفتح المنتدى ونشوف فى اكلات ونتفرج على قناة اكل علشان منجوعش ونحاول نبعد عن اى حد بياكل
6 - لو جعان وسط الاكل كل فاكهه لكن مش اى فاكهه ياريت يكون تفاح مثلا او فاكهه مبتخنش
7 - الخوخ من الفواكهه الكثيرة الاملاح والاملاح بتخزن الميه فى الجسم ودى من العوامل اللى ممكن تتخن ياريت لو بنحبه نقلل منه وكفايه واحده فاليوم وياريت ناخد فوار الاملاح كل يوم لانه بيساعد مع الرجيم
8 - حاول تتحرك فى البيت مش لازم كتير بس اتحرك وخلاص
9 - لو انت فى عزومه ( كل المهم ) متحاولش يعنى تكتر من النشويات ممكن تاكل اللحوم وبلاش معجنات كتير يكفى قطعه واحده وكل براحتك بس تكون حاجات مفيهاش دهون كتيره
10 - لو انت مع اصحابك وهتشربوا بيبسى ممكن تستبدل البيبسى العادى ببيبسى دايت وهيكون احسن لان االبيبسى الدايت مفهوش ولا سعره حراريه لكن مش معنى كده تفضل تشربه ليل نهار
11 - لو انت خارج مع اصحابك وهتاكل بره حاول متاكلش حاجه فيها دهون زى مثلا الكفته المشويه او الفراخ المشويه
12 - قاعدة النوادى بيكون كلها ايس كريم لو عاوز يفضل تمشى قبلها نص ساعه وتبقى بعدها بنص ساعه تانيه تاكل الايس كريم او اللى عاوز تكله لكن مش كتير
13 - لو مامتك طلبت حاجه من اخوك الصغير انزل جبها انت علشان تتحرك وتبذل مجهود ومنها تساعدها
14 - حاول تشوف حد يعمل معاك رجيم ويشجعك ولو مش لاقى ممكن تدخل فى الموضوع اللى فى توقيعى
15 - بلاش عيش توست فى الرجيم خليه احسن ربع رغيف بلدى يشبع ومش بيتخن اوى لو ربع رغيف او حتى نص
16 - لو مش مستعجل على الرجيم قلل بس وكل نص اكلتك اللى بتاكلها اكيد هتفرق كتير
17 - متخدش اى ادويه لانى مجربه الادويه كلها منها الادويه الغاليه ومعملتش معايا حاجه وكمان ادويه تانيه تعبنتنى وسببتلى ماره فى فمى فبلاش ادويه احسن
18 - لو انت من الناس اللى بيعشقوا المشروبات مثل الشاى والقهوه وغيرها حط نص معالق السكر اللى كنت بتحطها واحسن يكونلك 3 معالق سكر فى اليوم ومتذودش عنهم
19 - طبعا كتير منا بيحب الحلويات ارجوكم دى بتودى فى داهيه ولا مانع من اخذ قطع صغيره علشان محدش يتحرم من حاجه
20 - الفووووول ( اكلة الشعب ) ولله بتفيد جداً فى الرجيم بلاش عليها زيت او سمنه
وكله مع الربع رغيف وحف مفيهاش حاجه يعنى هيشبعك جامد جداً ويسند قلبك
22 - متكترش من الملح فى الاكل ها علشان زى ما قولتلكم بيتخن اكتر و خصوصا اللى ممكن يكون عنده املاح زايده او نقرص
23 - حاول تستبدل الجبنه البيضاء بجبنة قريش من غير زيت ها يا جماعه ولله بتكون جميله
24 - البيض مفيد ومغذى ومبيتخنش كل كتير منه فى الرجيم صدقنى حلو