تشتري جسد المرأة بكام ؟

تشتري جسد المرأة بكام ؟

تشتري جسد المرأة بكام ؟ Make-money

إسلام : تشتري جسد المرأة بكام ؟

وسيم : اشتري جسد المرأة بكام ! هو ايه ده هو فيه حاجة اسمها كده العبودية انتهت من زمان يا إسلام .

إسلام : انا بكلمك بجد .

وسيم : جد ايه يا عم انت باين عشان الساعة 3 بليل فعاوز تنام .

إسلام : لاء بكلمك بجد أصل الحكاية ديه جت علي بالي .

وسيم : ليه يعني ؟

إسلام : اصل اما الواحد يفكر في الي بيحصل دلوقتي في التلفزيون وفي الشارع كل ده بيؤدي للفكرة بتاعتي وهشرحهالك بسهولة جدا ً .

وسيم : طيب اشرح وانا سامع .

إسلام : بص دلوقتي الاعلانات مش انت بتشتري المنتجات او تتصل علي 0900 والحاجات ديه . صح ؟

وسيم : اة .

إسلام : أحيانا ً والاعلانات ديه بتبقي مليانه بنات يتمايلون ويرقصون من أجل المال ويحاولون ان يجعلوك تنظر لهم لكي تقوم بشراء المنتج ، وده طبعا ً الي مصمم الاعلان عاوزة وصاحب شركة الاعلان عاوزة عشان يبيع يبقي هنا ايه انت بتشتري المنتج عشان اتفرجت علي جسد الفتاة الي في الأعلان . صح ؟

وسيم : عندك حق .

إسلام : بس انت عارف مش ده بس الي جنني الي جنني انها مش في الاعلانات وبس ديه بقيت في الفديو كليب الي دلوقتي بقيت عبارة عن فيلم جنسي صغير يمتد من دقيقتين الي اربع دقائق ، وايضا ً اصبح ظاهر جدا ً في الافلام التي تعتمد علي المشاهد الجنسية لكي تصبح افلام عالمية وتحقق ايرادات من خلال جسد المرأة .

وسيم : طيب واحنا نعمل ايه ماهو من غير المرأة ما فيش حد يقدر يعيش دول برضوا عملين جو .

إٍسلام : جو يعني المرأة بكل ما فيها من مميزات ربنا ادهالها اصبحت مجرد جو لتشبع الغريزة عند الرجل ، انت عارف معني كلامك ايه ان المرأة اصبحت مجرد شهوة تسير علي الارض وعندما تنتهي الشهوة او اللذة تتركها وتهملها وتحقر من شأنها .

وسيم : انت دخلت في شمال كده ليه انا بقول رائيهم بس .

إسلام : طيب معلش انا كلمتك بنرفزة ، اصل اتخنقت من الحكاية ديه ، أصل كمان فيه بنات فكرة انها اما تلبس قصير وكده وتهزر مع ده وتضحك مع ده هتكون جميلة ، لكن في الحقيقة هي بتقزي روحها وبتحول نفسها الي لعبة تتزين من اجل ان تظهر جميلة لكي يتسلي بها الشباب ويعتبروها عمله جو زي ما انت قولت .

وسيم : يعني البنت يعني ما تحاولش انها تبقي جميلة .

إسلام : انا ما قولتش كدة ، ممكن تحاول انها تبقي جميلة بس لنفسها وليس عشان تعجب حد والا هتبقي سلعة تروح للي يدفع اكتر . ديه حكاية حتي منظرها وحيش ، وكمان حب المظهر عند البنات في احيان كثيرة بيتحول الي حالة مرضية ويؤدي الي الأكتئاب ، فعندما تحاول ان تكون اجمل فتاة ستجد من اجمل منها وستشعر بغيرة ويتحول الأمر الي مرض لا تستطيع ان تتخلص منه . طيب انت لما تفكر هتفكر تتجوز بنت جميلة ولبسه علي الموضة صح ؟

وسيم : ده اكيد ، أومال اتجوز وحده محجبة ولا منتقبة ما بتكلمش حد وبحس انها بترخم علي نفسها .

إٍسلام : من الي قالك كده يا عم ، ده معظم الي متحجبين ومنتقبين (صح ) اخلاقهم بتبقي كويسة جدا ً ، وهم بيكونوا مدخرين الضحك واللعب للزوج وليس للصاحب ، والدليل علي كده شوفها مع زميله ليها هتلاقيهم بيهزروا مع بعض وكده .

وسيم : يعني ما اتجوزش بنت جميلة واتجوز بنت وحيشة اقعد جنبها ابقي انا احلي منها !

إسلام : مش للدرجة ديه يعني اتجوز وحده جميلة وتكون اخلاقها اجمل . انت عارف اهم حاجة الأخلاق لأن ممكن تحصل اي شئ لمراتك يبقي شكلها اوحش من الاول بكتير ساعتها بس هتعرف قيمة الاخلاق والحاجات ديه .

وسيم : بس الواحد برضة ما يقدرش يسيب زميلاته البنات ويقعد يستني بنت اخلاقها جميلة . انا اما اصدق اخلص الجامعة عشان اتجوز مش هقعد ادور يعني .

إسلام : شوفت مش قولت لك تشتري جسد المرأة بكام رجعنا للحكاية ديه تاني ، انت عارف ليه انت عاوز تتجوز بسرعة كده ، ديه رغبة منك في جسد المرأة بس ده مش ذنبك انت ده ذنب التربية وكمان الافلام والفديو كليبات والاعلانات فعندما تري لقطات مثيرة في احد الافلام او الكليبات تريد ان تري اكثر من ذلك ، وبعد ذلك تتجه للأفلام الغير شرعية وبعد ذلك تريد ان تطبق ما تراه .

وسيم : طيب مش الجواز نص الدين ؟

إسلام : طبعا ً هو هيحميك بس هل انت اما ما قدرتش تحمي نفسك من نفسك قبل كده هتقدر تحميها بعد الزواج ، وانت كل مرة تشاهد جسد فتاة جديدة ترغب فيه وهو ليس ملك لك وانت تمتلك جسد فتاة واحده فقط فأكيد ستسعي ان تنال اكبر غنيمة قبل ان تموت حتي تشعر بلذة أكبر ، بس انت عارف الحل بتاع الحكاية ديه ان قولتلك عليه .

وسيم : أمته ده !

إسلام : يا ابني مش قولتلك انك لازم تتجوز من فتاة اخلاقها جميله ، فذات الخلق الجميل ستتفهم كل أمورك ومتطلباتك ، وعندما تتزوجها لن يخطر ببالك انك تتزوجها من اجل جسدها ولكن قيمتها اكبر من ذلك فقيمتها لا تقدر بمال الدنيا كلها ، ستجد نفسك كل يوم يزداد حبك لها اكثر مما قبله وستكتشف اجزاء من شخصيتها كل يوم تبهرك وما اجمل لحظات الاكتشاف وتخيل هذه المنظر البديع .

وسيم : فعلا ً منظر رائع ياريت الواحد فعلا ً يبقي عنده زوجه ذات خلق جميل ولا تكون مثل طلاء الذهب لقطعة من الصفيح .

إسلام : الحمد لله أن كلامي وصلك عاوز حاجة مني دلوقتي ؟ انا مضطر امشي عشان اخر يوم من بكين 2008 زمانه بدأ دلوقتي اصل بستفاد جدا ً من اصرارهم علي التميز والتفوق ، واوعي تنسي تصلي صلاة الفجر .

وسيم : ما تخفش مش هأنسي ان شاء الله ، وعلي العموم الموضوع كان مفيد جدا ً وانا منتظر اننا نبقي نتكلم في مواضيع تانية عشان انا وانت نستفيد .

إسلام : ان شاء الله ، السلام عليكم ورحمته وبركاته .

وسيم : وعليكم السلام ورحمته وبركاته .

تأليف وأعداد واخراج وكتابة : ابو تريكة .