اذكر اكثر موقف محرج حدث لك

ياريت كل واحد يشارك في الموضوع يقول موقف محرج حصل لية بصراحة وهو خرج نفسة منة ازاي عشان الكل يستفيد وما يقعش فيه بس يا ريت ما حدش يكدب وانا هبدأ بنفسي في اول السنة دية سنة تانية يعني كنت بقي داخل وناوي اني احاول تعويض سنة اولة فبعدين كنت براجع وكدة وبعدين بقي داخل اسبوع اني واد مخلص وكدة جيت في محاضرة اليوناني القديم فرفعت ايدي وطلعت علي السبورة وكتبت الاجابة بس اتفجئات ان الدكتورة بتقولي اني كاتب حرف الاكسي زيتا وبعدين قعدت اكتبة كذا مرة و بصراحة اتخنقت وكنت هعملة كبتيل واخلص نفسي قامت الدكتورة مطلعة مرفت كتبتة و مكنتش اعرف انة لازم يترسم بس ساعتها كان المدرج كلة بيضحك وساعتها انكسفت كسفة وحشة بس حاولت اني اطلع من الموقف و اتريقت علي نفسي عشان كان ممكن ان حد اتريق علية كانت هتعمل مشكلة ملهاش اول من اخر بس انا انبت نفسي وقولت لية قومت بس ديت علي نفسي بردة اني ان مكنتش طلعت كنت هفضل اكتب الحرف زي ما الدكتورة قالت عنة انة غلط وبعديها في نفس الاسبوع قايم اجوب في محاضرة اللاتيني وانا بحب اني اما اجوب بفصل نفسي بكون في جو تاني مببقاش سامع حد فانا بجوب فقول للدكتور حاجة وبعدين قام واحد اتكلم و قال حاجة تانية فلغبطني وكمان الدكتور سامع الحاجة اللي قالها فحسب انة دية الاجابة بتاعتي فقالي انها اتقالت قبل كدة ومفهمش انا كنت عوز اقول اية و اما قعدت اثرت فية اوي تاني مرة في نفس الاسبوع وبعدين جت محاضرة لليوناني الحديث ففي واحدة طلعت كتبت النبرة علي الصبورة غلط فما اعرفش اية اللي دفعني ان اقوم و اقول للدكتور ومع انة ما اداش نفسة حتي فرصة انة يبص علي الاجابة المكتوبة فقالي لاء هي صح وبعد المحاضرة اما قولت لية قالي اة هتلاقي البنت كتبتها غلط بس وانا داخل تاني بعد اما دخلني كان منظري وحش اوي وممكن دة يكون من التسرع كنت ممكن استني الدكتور بعد المحاضرة لدرجة ان واحد صحبي قالي ممكن واحد يكون حاضر المحاضرة ومبيفهمش اية اللي بيتقال وواحد قاعد في البيت بيذاكر كويس ودة كان في اول اسبوعين في الدراسة بس الحمد لله تبدل معي الوضع و الدكتورة خلتها تشيد بمستواي وكل الدكاترة بس زي ما قال صحبي المهم النتيجة في الاخر وهما دول يعتبروا من اسوء فترات حياتي كلها نتيجة للضغط النفسي نتيجة شعور بالاهانة الموجهة لية وخصوصا ً من صديق ليك بيبقي القلم قلمين واحد جاف والتاني رصاص , عوزكم بقي تقولوا احرج موقف حصلكم بدون خوف فاحنا اهل و اخوات وتمنياتي لكم بالتوفيق .