تعمل ايه ان كنت في الموقف ده ؟

تعمل ايه ان كنت في الموقف ده ؟

في اختبارات التمثيل في اختبار بيقولك علي موقف من الحياة العاديه . وبيقولك ان كنت في الموقف ده وعاوز تخرج منه هتعمل ايه . فعشان كده عملت الموضوع ده عباره عن ان كل واحد فينا هيكتب موقف والعضو الي بعده هيقول هو في الموقف ده هيعمل ايه يعني زي كده :

geerrsy :

سؤالي للشباب

تعمل اية لو كنت في مول مرة وشوفت حبيبة القلب ومعاها طفلها

مايكون ردة فعلك؟؟؟

مع العلم انها شفتك!!!

وانا مثلا ً العضو اللي بعد كده

ابو تريكة :

[b]هحكيلك ...

تخيلي للموقف ...

انا داخل المول ، مع اني ما بروحش بس نفرض . وبعدين لقتها قصادي ، فقلبي قعد يدق جامد ، وحسيت اني مش قادر أتلم علي نفسي ونفسي زاد . فقلت لنفسي ... اخيرا ً شوفتها بعد مده طويله . طيب اروح اكلمها ولا لاء ؟! طيب اروحلها اقولها ايه ؟! ده بابها رفضني عشان مش معايا فلوس كتير . ايه ده ديه بتقرب علي ! ومين الطفل الصغير الي هي شياله ؟! ابن الجيران بس ده صغير اوي ! هو في ام هتسيب ابنها لواحده تانيه وهو صغير كده ؟

وبعد أما وصلت لقتها بتقولي : ازيك يا إسلام عامل ايه من غيري ؟

فقولتلها : الحمد لله كويس . وانتي ؟

قالت : الحمد لله .

وفجأه شوفت الدبله في ايديها .

فسألتها : هي دبله مين ديه بتاعت اختك ؟

قالتلي : لاء بتاعتي اصل اتجوزت ودلوقتي معايا محمد ؟

فجأة شوفت زميل ليه ماشي قصاد احد المحلات في المول .

فقلتلها : معلش انا مضطر امشي عشان زميلي هناك ، وربنا يخليك محمد . السلام عليكم ورحمته وبركاته . يا هيثم .

يااااااااااه ربنا بعتلي الصديق ده في الوقت المناسب . ده كان موقف محرج جدا ً ، ولو كنت فضلت كانت هتلاحظ اني اضيقت ، وان مش عاوز اضايقها او ازعلها . ما هي كانت في يوم من الأيام حبيبتي ، واكيد طالما هي سعيده في حياتها هكون انا كمان سعيد .

والسؤال بتاعي : تعمل ايه ان عمال تقول لواحد صحبك انا معايا فلوس كتيره وتعيش عليه ، وكنت عاوز تدفع فلوس المواصلات ، وبعد كده اكتشفت ان الفلوس ضاعت ؟

[/b]