هجرتني صورتها

هجرتني صورتها

شوفتها في المرة الأوله من بيتنا ، وكانت لبسه لبس فرعوني وشكلها زي كليوباترا بالضبط والآلهة افروديتي ، في ضحكتها ووشها نور يخلي اللي يشوفها يقع في الحب بسهولة ، واللي خلاني أحبها أكتر انها حفظة القرآن كله وأخدت الطالبة المثالية في المدرسة بتاعتها ، بس المشكلة بقي اني ما بعرفش اتكلم مع البنات كويس ، بس أما حبتها حسيت بأحساس غريب اوي أول مرة احسه في حياتي ، حسيت بطعم الحب ، بس حب غير اللي موجود عند شعراء اليونان والرومان حب بعيد عن حب الجسد ، حب روحاني ، فكنت أول اما اشوفها ابقي عوز أكلمها مالقيش الكلام والكلام يطير من علي لساني ، وأحس اني قلبي بيدق بسرعة وانه عوز يسيبني ويروح لها ، وببقي مش حاسس بنفسي بحس أني مش علي الأرض بل في الجنة ، وكنت كل اما ابقي قاعد لوحدي اقعد افتكر ملامحها وافتكر ضحكتها وخجلها ونظرة الأمل والأصرار اللي بشوفها في عينيها ، وكنت بقعد في الشباك ساعات كتيرة مستنيها انها تخرج عشان أشوفها ، وكنت بفكر أني أما أكلمها هتحس باللي بحس بيه وهتحبني هي كمان ، واحلامي اتحققت واتكلمت معاها في يوم واليوم ده حسيت أني لمست النجوم وأني اغني واحد في الدنيا ، بس الحلو ما يكملش بعديها وانا واقف في الشباك لقتها بتقولي أنها مش عوزة تعرفني تاني وحولت أني اشوف ايه السبب ، ورحت عندهم البيت لقيت جارهم بيقولي مش هي قالتلك مش عوزه تعرفك تاني ، ساعتها حسيت أن كل شئ اتدمر وعيطت مش الحكاية ديه ، وبعدين قولت أنا لازم أنساها لكني ما قدرتش ، ومع مرور الوقت جلها واحد يخطبها وانا اول ما سمعت الحكاية ديه حسيت انه خلاص حياتي انتهت أمل عمري راح بدون عوده ، بس قولت لنفسي أني لازم اكون اقوي من الحكاية ديه ، بس كنت كل اما امشي جنب فرح اخاف اني ابص علي الكوشة اشوفها هي اللي قعده فيها ، بس مع الوقت الكتير قدرت اني انساها ودلوقتي اقدر اقول أنه خلاص هجرتني صورتها .

تمام

نصيحه من أخت
متستعجلش خصوصا فى موضوع الإرتباط دة
لأنه هيدوم العمر كله ولازم تكون هى حد يناسبك
ويفهمك كويس..
"عسى ان تحبوا شيئا وهو شر لكم وعسى
انى تكرهوا شيئا وهو خير لكم"
وفقك الله إلى الزوجه الصالحه أخى فى الله

انا فعلا ً متفق معاك في الحكاية ديه ، بس الحكاية ديه بقالها كتير أوي ، وكان بده بسبب الأغاني وكده ، ولأني كانت فطرتي بتقولي ان ما ينفعش اتكلم مع بنات بدون سبب ، فما قدرش اكلمها الحمد لله ، وانا دلوقتي الحكاية ديه بالنسبة ليه عادية خالص الحمد لله .

هجرتني صورتها

هجرتني صورتها

رد: هجرتني صورتها

رد: هجرتني صورتها

رد: هجرتني صورتها