انت ليه وحيد ؟

انت ليه وحيد ؟

منار : أنت ليه وحيد ، وعلي طول بتختفي مرة واحده وما حدش بيشوفك ؟

هيثم : أصل بروح المكتبة عشان اشوف شوية حاجات .

منار : انت مش عاتق !

هيثم : لاء عادي ...

منار: ايه الدموع ديه انت كنت عاوز تقول حاجة ورجعت في كلامك ، قول يا ابني ما تخافش مش هقول لحد .

هيثم : أنتي عارفة ان انتي الوحيده الي في زمايلي الي سألت علي ، مع أني ما كنتش بتكلم معاك كتير زي ما كنت بتكلم معاهم .

منار : هو ده بس الي مضيقك وخالك تعيط ؟

هيثم : حاجات كتيره جت علي بالي وانتي بتقولي انت مش عاتق ، جه في بالي اني مش بروح عشان اذاكر ولا كده ، أنا بروح عشان اضيع وقت وأقعد أبص في الموبيل وأعد كل دقيقة عشان الساعة تمشي .

منار: أومال بتسبنا ليه وتمشي لوحدك ما تخليك معانا وانت ما تحسش بالوحده خالص .

هيثم : أنتي عارفة أكتر وقت بحس بالوحده وانا معاكم ، وانا وسطكم بلاقي أن كل واحد عاوز مصلحته ، وكل واحد عاوز يكون هو الأذكي وباقي المجموعة اغبياء . وما بلاقيش حد يهتم بي ، ووجودي زي عدمه . فبسيبكم وأروح اقف عند أي شباك وانظر منه علي السما و المباني وأقعد أفكر في أي حاجة . أنما أما ببقي لوحدي وأنا ماشي في الطريق بقعد أسلي نفسي في اني ابص للسما وأبص علي منظر الحدائق في الجامعة ومدي براعه عامل الحديقة في جعلها بهذا المنظر فبنسي الوحده .

منار : يااااااااة يا هيثم جواك كل ده وساكت !

هيثم : أصل انا ما بحبش أشيل حد همي .

منار : لاء ما تخافش شيلني همك ، ما لكش دعوه انت .

بعد هذا الموقف بعده أيام كنا في محاضرة من المحاضرات وبعدين كانت منار واقفة مستنية واحده زميلتها ...

هيثم : أنتي مش هتنزلي ولا ايه كل الناس نزلت ؟

منار : لاء انا مستنيه واحده .

هيثم : طيب خلاص انا هستناك لغاية اما تخلصي .

منار : أوك .

مشيت الي أقرب نافذة وكنت شايف منها زمايلي تحت بس دار بيني وبين نفسي حوار :

هيثم : انت كده بتفرض نفسك عليها ، طيب وكده هي هتقول عليك أيه مستنيها ليه ؟ وبقيت تحكي لها عن نفسك ليه ؟

طيب ما أمشي أحسن ، بس لاء انا اديتها كلمه ، وانا ما بحبش أرجع في كلمتي ...

فكرت في أفكار كتيره جدا ً وانتظرت حوالي ربع ساعة ، وفي الأخر ببص من الشباك لقتها تحت مع زمايلي وانا واقف ملطوع فوق ، واما لقيت كده نزلت ، وقولتلها قالت ما أخدتش بالي .

مما دفعني للتفكير فيما حدث ...

أنا : أنت ليه استنتها وما نزلتش واقفت مع صحابك ؟

هيثم : أنا كنت فوق مستني وتحت كنت هبقي مستني ولوحدي برضه ، بس تحت كنت هبقي متضايق عشان كنت هبقي في الظاهر معايا ناس لكن في الباطن هأكون لوحدي ، وكمان أن فوق اما كنت هنزل معاها مع اني ما كنتش هتكلم بس هأحس ان الي أنا بوصله ده صديق بجد بعيد عن المصلحة .

وبعد عده أيام أخري كنت مستني أصدقاء لي .

هيثم : أزيكم عاملين ايه ؟

المجموعه : كويسين الحمد لله ، أنت ايه اخبارك ؟

هيثم : أنا الحمد لله .

ومرت الساعات ، وكان أحدي الصديقات لي في المجموعة كان عندها محاضرة وبعدين كانت هتخلص متأخر ، وانا تسرعت وقولتلها أنا هستني ومرت الساعات وحسيت مع مرور الوقت أني بفرض نفسي عليهم ، خفت ان يكونوا متضيقين من وجودي ، فقولت أمشي أحسن وقومت ماشي ، وبعدين كلمت زمايلتي - الي كانت في المحاضرة - علي الأيميل ...

هيثم : معلش انا مشيت من غير ما استناك ِ ، بس عشان حسيت أني ماليش لازمة وحسيت اني لازم امشي في الوقت ده ، وحسيت ان نظرات أعينهم بتقولي انت قاعد ليه ، وحسيت أني عاوز أقولهم أنا مش قاعد هنا بمزاجي أنا قاعد معاكم عشان ما ابقاش لوحدي ، وعشان أما هأروح هبقي لوحدي مش معايا غير الكمبيوتر وهو الوسيلة الوحيده - بالنسبة لي - لأتصالي بالمجتمع .

نور : ليه بتقول كده أنت بس عشان ما حولتش تدخل في الحوارات الموجوده شعرت بالملل .

هيثم : لاء خالص ده انا كنت بدخل نفسي بالعفيه عشان كده مشيت عشان ما أبقاش رخم .

نور : عادي يا هيثم . انت بس واخد الأمور بحساسيه شويه .

هيثم: انا مش بتكلم انهم وحشين ولا حاجة بالعكس دول في منتهي الروعة ، بس انا كنت بحكي لك سبب أني مشيت .

نور : أوك .

أنا دلوقتي الحمد لله كويس ، وما بقتش أحس بالوحده لأني عرفت أن الأنسان هو اللي بيحرك الظروف . فأنت الي ممكن تخلي نفسك وحيد وانت ممكن تتعرف كل الناس .

يعني مثلا ً حاول أنك كل اما تكون لوحدك تروح تكلم واحد صحبك وأسأله عن ايه حاجة مش مهم الحاجة ديه مفيده ولا لاء المهم أنك تحس انك مش لوحدك . وأكيد اما تلاقي الانسان ده بيرد عليك هتحس بمدي اهتمامه بك .

وكمان حاول تنمي فكرة انك تبقي أجتماعي ، وتبتعد عن فكرة الوحده حتي لا تسيطر عليك وتصبح عبدا ً لها ، وحاول ان تتقبل زميلك كما هم وليس كما تتخيلهم .

وحاول كمان ان تشغل وقتك في اي حاجه وتستثمر وقتك واكيد احساس الوحده هيروح من عندك زي اما هو راح من عندي .

أعداد وتقديم وكتابه : ابو تريكة .

بس أن من رأيى أنى كده هعيش نفسى فى وهم
طول ما أنا ملياش صحابى اللى بيسألوا عنى
ويعرفوا أنا ببقى كويسه أمته ومتضايقه أمته
هفضل وحيده طوووووول عمرى..
حتى لو ليا ألف زميله وزميل

عندك حق في النقطة ديه ، لأن الصديق مهما عمل مش هيقدر يطمن عليك كل فترة ، بس انا بتكلم علي ناس ما بتلقيش حتي الزمايل العادين ، لأن للأسف معظم الأصدقاء بتوع اليومين دول بتوع مصلحه ، وهو ده اللي بيخلي الأنسان وحيد فعلا ً ، بس حتي الناس دول لازم يبقي عندهم أمل في الحياة ، فمثلما يقول سينكا ، ان علي الأنسان ان يقوم بالمعروف دون انتظار رده ، وهذا هي قمة السعادة ، أنك تحسن انك بتحب الناس وخلاص .

والله أنا بحب الناس جدا
وبحب أتعامل معاهم
وأكون دايما كويسه فى طريقه كلامى ونقضدى ليهم
بس.......................
الناس هى اللى بتخلينى أكرههم

بصي في برنامج اسمه الطريق الصح للداعية معز مسعود

ده اللينك بتاع الموضوع اللي في الحلقات في المنتدي

https://e6lamica.yoo7.com/montada-f2/topic-t821.htm#976

ده أنا أتأثرت بيه جدا ً اننا ما نكرهش العاصي ، ولكن نكره المعصيه ، عشان مين عارف مش ممكن نكون احنا مكانه ،

فياريت تبصي للأصحاب علي كده ، وان مثلا ً صحبه لك تعاملت معاك بشكل مش كويس ، ادعي اللي ربنا يهديها ، وماتكرهاش .

أنا لو حتى كرهت الناس دة مش بيبان أبدا فى تعاملاتى معاهم
وبحاول على قد مل أقدر أشوف أيه الكويس اللى فيهم يمكن أنا مش واخد بالى منه

طيب الحمد لله ، واكيد هتلاقي فالناس حاجة كويسة

انت ليه وحيد ؟

انت ليه وحيد ؟

رد : أنت ليه وحيد

رد: انت ليه وحيد ؟

رد: انت ليه وحيد ؟

رد: انت ليه وحيد ؟

رد: انت ليه وحيد ؟

رد: انت ليه وحيد ؟