كاميرا الحياة مع أبو تريكة

كاميرا الحياة مع أبو تريكة

هذا الموضوع نعرض فيه صورة ( موقف ) حيه من الحياة ، لنقول رائينا فيها بكل بصراحة ، سواء أكان هذا الموقف في كلمة او تصرف او رد فعل او قرار معين أو حتي مشهد من احد الأفلام ، وان شاء الله الموضوع يساعدنا في تحسين تفكيرنا ويجعلنا نفكر في كل تصرف يحدث حولنا ونحاول نجده له تفسير .

وأول مشهد معانا هو صورة لشاب أراد ان يضع تصوره لكيفية التربية السليمة للطفل ، وذلك عن طريق ملاحظتة الشخصية ، وبعد فترة قرأ أحدي الكتب التي تتحدث عن التربية ، ووجد ان بعض النظريات التي توصل اليها موجوده بالكتاب ، فقال لأصدقائه ففرح أصدقائه به وقالوا انه عبقري .

ذلك هو المشهد ببساطة أريد ان أعرف رائيكم به ، هل انت مع الشاب والذي قام به وهل أصدقائه اعطونه التقدير الكافي أم لا .

وسأضع رأيي بعد أن أري أرائكم في هذا المشهد .

أري أنه أخطأ خطأ كبير ، لأنه لم يقرأ الأول ، لأن في مجال البحث العلمي والعلوم ، يجب ان تبدأ من حيث انتهي الأخرين ، مش تقول لاء ان هبدأ لوحدي .

فان بدأت لوحدك هتوصل لنتائج أوليه ومش هتوصل لشئ جديد ، وديه الكارثة في مجتمعنا ، أن كل واحد عاوز يعمل قانون لوحده ، ومش بيحاول يستفيد من حد ، ويقول انا ماليش دعوه بالكتب ، انا هطلع نظرية جديدة ، الكلام ده كله طبعا ً ما ينفعش .

مصانع بلا تأمين والأطفال مظلومين

عندنا في مكان اسمه المصانع الحته ديه معظم الطلاب بيشتغلوا فيها في الأجازة عشان يكونوا رجاله ، حتي الطلاب الي عندهم 11 سنه و 12 سنه بيشتغلوا هناك ، وعشان تشتغل يأخدو منك صورة البطاقة او اسمك بس ، وداخل المصنع مكتوب ورقة ممنوع جلوس الطلاب علي الميكانات ، لكن الي بيحصل غير كده خالص ، وطبعاً معظم الميكانات خطرة جدا ً ، ومن الطبيعي ما فيش تأمين صحي علي الاولاد دول .

يا تري انتم ايه رائيكم في الحكايه ديه ، هل نترك اولادنا يذهبوا لمثل هذه المصانع الخطره وهم لا يزالون في مرحله الطفوله من أجل ان يتعلموا الرجوله في سن مبكره ؟ اما نحاول ان نهتم بتثقيفهم ؟ وما رائيكم في مثل هذه المصانع ؟ ولماذا ؟

انا هقول تعليقي علي الموقف :

هو جميل ان الأهل يخلوا الأبن يعتمد علي نفسه ، بس ما ينفعش الأعتماد علي النفس يكون بالشغل ، يعني ممكن يكون عشان تعود ابنك علي الاعتماد علي النفس أنك تقوله علي معلومة بسيطة وتخليه يبحث عنها ، مش أنه يشتغل ، ايش ضمنك انه ما يتصبش اي اصابة ممكن تموته ، وترجع تقول ياريت اللي جري ما كان ، وكويس ان الشغل يكون سهل ، بس لازم السهولة ديه ماتجيش علي حسابي انا ، يعني عشان اقبض 300 جنية ان ممكن اتصاب في العمل وممكن أدفع الألاف الجنيهات عشان العلاج ، وانت مش هيكون ليك اي حق عندهم ، عشان العقد هو مجرد صورة بطاقة .

أقتلوا كل العرب هي مشهد اليوم

وهي عبارة نقلتها شاشة ال أم بي سي 1 علي لسان أحدي الأسرائيليات عقب وقوع أحدي الصواريخ علي مدينة عسقلان ، وقد علقت الفتاة علي الصواريخ بعبارات يجب التوقف طويلأ عندها وهي " أقتلوا كل العرب وتتتمني ان يصابوا بالسرطان ".

وده الفديو بتاع اللقاء [ندعوك للتسجيل في المنتدى أو التعريف بنفسك لمعاينة هذا الرابط] .

يا تري أنتم تعليقكم أيه عليها .

انا شايف ان البنت الاسرائيلية كلامها طبيعي جدا ً ، وحده لسه كتائب قسام ضربين عليهم صاروخ عاوزنها تقول ايه غير كده ، يعني مش الصاروخ ده يتضرب علي اللي بيحاربك ، مش المواطنين الاسرائيلين أحسن ، زي اللي حصل كده في شهر واحد تلاقي اسرائيل عماله تضرب في الفلسطنين العادين هنا ، وحماس عماله تضرب في المدن الاسرائيلية هنا ، يعني المفروض كل الذخيرة بتاعت حماس تكون موجهة ناحية اللي بيضربوهم مش اللي قعدين في بيوتهم في اسرائيل ، الدين الأسلامي قال اننا نحارب اللي بيحاربنا مش اننا نقتل اللي نيمين في بيوتهم .

فأحنا كده بنحقق فكر اسرائيل ، اننا بنستخدم نفس سلاحهم ، وهو ضرب المواطنين العزل بالقذائف والقنابل و ...

المفروض ما أديش العدو فرصة يمسكها عليه ، بس مش معني ده اني استسلم واسيب اسرائيل تضرب فيه ، ولكن أضرب اللي بيضربني ، بمعني أخر ان اضرب الجيش مش الشعب .

صورة النهاردة عن المروحة

هي صورة غريبة أوي ، بس لأن المروحة موجودة في معظم البيوت فلازم نتكلم عنها .

الموقف ان واحد كان زهقان خالص من الحياة وما عندوش غير المروحة في البيت وعلي طول مشغلها ، فقال تشبية غريب أوي قال أن الدنيا زي المروحة ، والأنسان هو زرار المروحة ، ويعيني هو قال الكلام ده ، وداخل ينام بعد كده ، طبعا ً الناس ممكن تفتكر ان الكلام ده بسيط جدا ً ، لكن اللي هيفكر فيه هيفهم هو يقصد أيه .

ومنتظر أرائكم ...

انا رأي الشخصي ان ده راجل تعبان ، يعني في الأول يقول ان الدنيا زي المروحة ، والمروحة احنا عرفين اننا أحنا اللي بنشغلها ، يبقي المروحة هنا مفعول به ، وأيضا ً بيقول الأنسان زي الزرار بتاع المروحة ، وأحنا عرفين ان زرار المروحة مفعول به ، لأن من المستحيل ان الزرار يشتغل لوحده ، يعني كده الأنسان مش فاعل في الجملة وأحنا عرفين أنه كان لازم يبقي فاعل ، وكمان ما ينفعش الواحد يشبة الحياة بالمروحة ، لأن المروحة ممكن تستغني عنها في أوقات الحر وترجع لها مرة أخري في أوقات البرد ، ولكنك أذا استغنيت عن الحياة فبكده انت انتحرت ، فمش هينفع ترجع للحياة مرة تانية ، ده كان وجه الأختلاف مع الراجل ده .

أنما أنا فاهم هو يقصد أيه ، اننا ممكن نتحكم بتأثير الحياة علينا من خلال عقلنا ، أحنا اللي ممكن نخلي حياتنا سعيدة ، وأحنا اللي ممكن نخلي حياتنا كئيبة .

بس الموقف ككل ، أعتدنا عليه كتير ، أن تلاقي واحد دماغة باظت من الشمس ولا حاجة ، يقعد يشبة اي حاجة بأي حاجة ، وأحنا طبعا ً نفقعد نقول ده عبقري ، مع أننا ان فكرنا شوية هنلاقي مافيش اي علاقة بين الحاجة ديه وديه ، فعشان كده لازم الأنسان يفكر في كل حاجة .

الأنسان أصله قرد

رصدت لنا الكاميرا اليوم من احدي كتب المناهج التعليمية المصرية مقولة داروين ، وهي أن أصل الأنسان قرد ، وهذا طبعا يخالف ما قالة القرآن ، لذلك فتوجد عده أحتمالات ، لمن وضع تلك المقولة بالمناهج ، أم انه مش متأكد من القرآن ، او انه مش مسلم ، او بيعتبرها انها مجرد نظرية لن تفيد أو تضر ، فماذا تري أنت ؟

انا شايف ان ده قمة التناقض ، أزاي بيقولوا انهم مسلمين وازاي مؤمنين بنظرية القرآن نفاها ، فعلي الأقل ان هم شاكين في الدين ما يحطوش الحاجات ديه في المناهج ، عشان ما يعلموش أولادنا معلومات غلط ، ويصبح الطفل مشوش .

فتاة جميلة

رصدت لنا الكاميرا ، لقطة بديعة ، وهي لفتاة فائقة الجمال ، تخطف قلوب من يراها ، ولكن الموقف الذي جذب كامرتنا اليها اليها ، هو تكبرها ، واهتمامها المبالغ فيه بنفسها ولبسها ، مما دفعنا لنطرح عليكم سؤال مهم ، هل من الممكن ان تتزوج بتلك الفتاة الجميلة المتكبرة باللغة التكلف ، او بمعني أخر هل تختار الشكل علي حساب الجوهر ؟

انا من رأيي ، انه لازم الشباب تهتم بالجوهر أكثر من المظهر ، لأنه ببساطة ان اهتم بالمظهر فقط ، ممكن تحصل حادثة للفتاة ، فيبقي ولا مظهر ولا جوهر ، ويقول يا ريت اللي جري ما كان .

معذرة انت لست مسؤول ، لتقدم أفكار

كاميرا الحياة مع أبو تريكة Applause

ورصدت الكاميرا الحياة لنا موقف قمة في التناقض ، وهو لشاب ذهب لأحد المسوؤلين ليعرض عليهم فكرته في تطوير بعض نظم الأدارة ، ولكن المسوؤلين كالعادة رفضوا هذه الفكرة ، ولكن من حسن حظة انه اما قال لزميلة ، زمايلة قاله انه يعرف حد ممكن يساعده ، وبالفعل اما راح للشخص ده رحب بالفكرة ، وقاله انه هيعرض الفكرة علي المسؤولين بس بشرط انها تكون بأسمه ، الشاب وافق ، وبعد عدة ايام وهو يشاهد مجلس الشعب ، وجد فكرته تطرح ، وتصفق عليها الأيداي التي كانت تريد ان تصفعة بالأمس .

ياتري ايه التناقض ده ، وهل الفكرة بتتواقف علي مكانة صاحبها ؟

بعد عودة المنتدي ، قومت بركوب الأتوبيس لأتعرف علي احوال الناس اثناء الصيام ، ولكن كاميرتنا رصدت لنا شئ غريب في الأتوبيس...

الأتوبيس ورمضان

وهو ان الاتوبيس به الكثيرة من المشاجرات والخناقات ، ولكن انتظروا اليس هذا شهر رمضان شهر التسامح والخير ، طيب يا تري ايه سبب المشاجرات ديه ؟ سألني الناس في الاتوبيس ، قالوا اصل الناس صائمة رمضان كريم ، وأكن سبب المشاجرات هو رمضان ، ووجدنا ان كل واحد مش قادر يستحمل الي واقف جنبه في الأتوبيس ، فتعجبنا جدا ً من هذه المشاجرات ، وقررنا ان نطرح عليكم سؤال واحد ونريد اجابه عليه وهو :

هو ليه بيحصل كل ده في رمضان مع ان رمضان شهر التسامح ؟

منتظرين اجابتكم وتواصلكم معنا .

هي للأسف المشاجرات بتكتر جدا ً في رمضان ، أكثر من أيام الأخري ، لأنهم ما أتربوش علي الطاعة ، أتربوا علي مسلسلات وفوازير رمضان ، ويا تري ايه الملابس الي الممثلات هتلبسها في المسلسلات عشان نشتريها في العيد .

ما أتربوش علي التسامح في رمضان ولا عمل الخير ، اتربوا علي ان اما رمضان يجي يبقي هنروح من الشغل بدري وهنروح الشغل متأخر ، والمدرسة مواعيدها تتغير ، اتربي علي الكسل والتراخي ، مع ان انتصارات الأمه في رمضان فأنتصر المسلمين في غزوة بدر في رمضان وحرب اكتوبر في رمضان وحاجات كثيرة كانت في رمضان ، ما جناش في رمضان في حرب 73 قولنا يا جماعة أجلوا الحرب شوية عشان الناس صائمة ، لازم نعمل مش يكون شهر رمضان شهر تكاسل

أوباما وجائزة نوبل للسلام

هو موقف يعتبر قديم شويه ، بس ده لأن الكاميرا كان عندها تصوير في كذا حته ، فما كنتش فاضيه انها تعرض مواقف جديدة .

المهم ، انه في يوم 9 أكتوبر فجائتنا الصحف ووكلات الأخبار بخبر لم يكن في الحسبان ، وهو فوز أوبام بجائزة للسلام علي الرغم من الفتر القصيرة التي قضاها أوباما في الحكم ، والغريب في الموضوع هي ان ...

لجنه جائز نوبل للسلام أوضحت في بيانها انها قررت منح الجائزة للرئيس الأمريكي باراك أوباما نظرا ً لجهوده البارزه في دعم النهج الدبلوماسي علي المستوي العالمي ، وقالت انه نادرا ً جدا ً ما تحظي شخصية بمثل هذا الاهتمام العالمي وتعطي أملا ً للتاس في مستقبل أفضل .

بينما علق أوباما علي الجائزة قائلا ً أنه لا يعتبرها اعترافا ً بأنجازاته لكن بالأحري تأكيدا ً للزعامة الأمريكية نيابة عن تطلعات الشعوب .

أظن الموقف واضح للجميع راجل كل الي عمله انه ثبت الناس أدوله جائزة نوبل ، والرئيس حسني مبارك الي له دور كبير في الحفاظ علي استقرار الأمن في منطقة الشرق الأوسط لم يحصل عليها لمده 30 سنه ، يا ريت أعرف تعليقاتكم علي الجائزة وهذا الموقف الغريب .

حرب العلاقات ( الحب - الصداقه )

كاميرا الحياة مع أبو تريكة 20176_1337613288061_1462983895_30965984_2979506_n

لقد لاحظت كاميرتنا ان حرب العلاقات انتشر بشكل كبير في المجتمع ، فنجد ان كل طرف يحاول ان ينتصر علي الطرف الأخر ، ولا يحاول ان يتحاور معه ويحاول ان يعيش مع الطرف الأخر في حب وتعاون وسلام ، بل ينتهز الفرصه لكي ينقض عليه يأخذ ما يريده منه ثم يتركه جريحا ً في العراء ويذهب .

فوجدنا ان الصديق يحاول ان يتسفيد من صديقه بأكبر قدر ممكن وانه قد يبيعه في اي لحظه . ووجدنا ان الزوج والزوجه كل منهما يريد خلال المشاكل الزوجية يريد ان ينتصر علي الأخر ويحاول ان يدافع عن نفسه ويلقي بالتهم علي الطرف الأخر من أجل ان يظهر بأنه الطرف المجني عليه ، ولا يهتم مطلقا ً في كيفيه حل هذه المشاكل وضروره ان يكون هو وزوجته او هي وزوجها شخصا ً واحدا ً . ووجدنا ان الاب يحاول ان ينتصر علي ابنه ويجعله يعترف باخطائه ويعترف بان والده افضل منه ، بينما الابن يحاول ان يفهم والده بان الزمن قد تغير وان كل زمان له تفكيره الخاص .

فما رائيكم في هذه الحروب ، ويا تري ما هي الحلول المناسب لأيقافها ؟

كاميرا الحياة مع أبو تريكة

كاميرا الحياة مع أبو تريكة

رد: كاميرا الحياة مع أبو تريكة

مصانع بلا تأمين والأطفال مظلومين

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة

رد: كاميرا الحياة مع أبو تريكة