هل نهتم بالبطل أم بصناعته ؟

هل نهتم بالبطل أم بصناعته ؟

في كل العالم نجد أنهم يهتمون بصناعة البطل وليس بالبطل فقط ، فنجد علي سبيل المثال بلد مثل الصين في أولبيد أثينا عام 2004 أحرزت 32 ميدالية ذهبية ، وبعد أربعة أعوام فقط أحرزوا 51 ميدالية ذهبية ، أذا ً هناك خطة سارو عليها حتي يحققوا هذا الأنجاز ، وهي الأهتمام بصناعة أبطال جدد لكي تزيد عدد ميداليتهم .

أذا ً فصناعة البطل أهم من البطل نفسه ، فأذا لم تهيأ لأي بطل الجو المناسب لكي ينتصر ، لن يحقق أي أنتصر ، وهذا ما حدث مع ابطالنا في اولمبيد بكين 2008 ، فبدل أن نكرم أبطالنا ، ونحاول ان نزيد القاعدة ، نقوم بمحاربتهم ومعاقبتهم أنهم أحرزو نجاح ، بصراحة انا مش عارف الحاجات اللي بتحصل لصالح مين ؟

يعني بعد أولمبيد أثينا 2004 وانجاز كرم جابر ، وجدنا بعده بشهور قليلة ان أتحاد اللعبه في مشاكل مع كرم جابر ، ومشاحنات ، والغريب في الموضوع ان هذه المشاحنات أستمرت حتي عام 2008 في بكين ، ليخرج كرم جابر من الدور الأول ، والي يشل بقي أن الحكاية ديه بتحصل دلوقتي مع هشام مصباح بطل الجودو ، انا نفسي أعرف في أيه أرحمونا شوية نفسنا في بطل يستمر حرام عليكم .

والمصيبة أنهم بعد أولمبيد أثينا 2004 قالوا ده في حاجة أسمها برنامج أعداد البطل الأولمبي ، وكان فيها كرم جابر وكده ، احنا طبعا ً فرحنا ده في تخطيط بيحصل ، والميداليات جت بالتخطيط مش بالعشوائية ، ولكننا فوجئنا في أولمبيد بكين 2008 ، بخروج كل أبطال مصر من الأولمبيد بدون تحقيق أي ميدالية ، الا البطل هشام مصباح .

انا أعرف أنك اما تخطط الأنتاج بيزيد مش العكس ، المهم يعني بعد أولمبيد بكين ، لاقيت ان في بعض البرامج قالوا ان اختيار البطل اللي بيدخل البرنامج كان عن طريق المعارف ، بقي ده أسمه كلام يا جماعة ، ديه مصر مش حاجة قليلة .

ومن الأشياء المفجعة عندما شاهدت آية مدني علي أحد القنوات الرياضية ، عندما سألها المذيع ، وقال لها ايه الحاجة اللي هتعمليها في الأولمبيد القادمة وكنت عاوزة تعمليها في بكين 2008 ، ردت آية مدني بصراحة شديدة وقالت " اني مش هأجلس مع البعثة المصرية ، لأنهم أحبطوني قبل أما ألعب ، لدرجة اني اما كنت بأمشي في بكين كنت مكسوفة اني لابسة تشيرت مكتوب عليه egypt "

أنا بصراحة مش لاقي كلام أقوله بعد الكلام ده ، نقول عدم وجود طبيب نفسي وعدم تهيئة الجو المناسب ، ولا نقول تفكير الناس ولا نقول اتحادات ، ولا نقول صناعة البطل الأولمبي أكبر خدعة في التاريخ ، بزمتكم في حاجة اسمها صناعه بدون أساس ، فعلي الأقل يا عمنا دخل الرياضة في المدارس ، قبل أما تتكلم عن الصناعة ، الصناعة لازم تكون مرتكزة علي الأطفال والشباب الصغير ، مش زي ما حصل مع ابطال الملكمة اللي فازو في أثينا 2004 وأعتزلوا .

انا هقفل الموضوع علي كده ، عشان أتخنقت .

مع تحيات واحد مخنوق من الرياضة في مصر .