انا فالنار 4

اسمي جابر .. فجرت نفسي فكمين بشمال سيناء .. وانا بنفجر شوفت شريط حياتي ... كنت فالازهر واتعرفت فيها علي حذيفه .. حذيفه كان بيكره العري اللي بيحصل فاليومين دول فالشارع لدرجه انه كره الستات كلها .. حذيفه اخدني كتير نروح نقابل شيخ صلاح اللي كان بيقولنا اننا في مجتمع فاجر يستحق التدمي اغاني رقص مسلسلات افلام كله قرف فقرف .. الشيخ صلاح اداني كتب كوير تثبت كلامه .. قالي لازم نفجر عشان يخافوا من نهايتهم يحاولوا يصلحوا من نفسهم ... كنت بقوحوا واقوله طيب يا شيخنا مش الافضل نفجر فاسرائيل ؟؟ كان يقولي يا ابني اللي بيعمله معانا الجيش المصري والقرف اللي بيحصل فمصر افظع من اللي بيحصل فاسرائيل ؟؟!!! بس انا مش مقنع يا شيخ ؟؟ ازاي مسلم يقتل مسلم والاسرائيلي يعيش في سلام .. مسيرك هتقتنع اتفرج انت بس علي قنواتنا وانت هتقتنع وربنا يرفع الغشاوه اللي علي عينك .. حابب ايه في مصر ؟؟ حكم العسكر ؟؟ هدمهم للانفاق بتاعت حماس ؟؟ الفقر الرقص العري .. عجبك بناتهم الحور العين فانتظارك .. ربنا كتب علينا اننا نحاول نقف في وجه الظلم .. اننا نكون جند الله فالارض .. طيب يا شيخ نفسي نحرر القدس مش احنا تنظيم بيت المقدس ؟؟ هنحررها بعد اما نحرر سينا من الجيش المصري المرتد .. بعد سنتين جهزت لعمليه استشهادي عشان اخش الجنه واكون مع الرسول وافتخر وانا بكلمه باللي عملته عشان الاسلام..

لازم افجر نفسي وانا صايم عشان افطر فالجنه .. كانت كتيبه من الجيش بتجهز فطارها .. ازاي المرتدين بيصوموا يا حذيفة ؟؟ قائدهم بيردد ايات من القرآن وهم قاعدين بيسمعوه ازاي ده ؟؟؟ ملناش دعوه دول كفار ولازم نقتلهم ... وصلنا للكمين وفعلا فجرت نفسي فيهم .. سيبت الجنود الاسرائليين وفجرت جنود مصر ؟؟ وانا بموت شوفت الجنود مرمين والمصاحف فجيب كل واحد منهم مقطعين .. شوفت جنود مصر وسوريا ميتين وجنود اسرائيل في بيوتهم نايمين ..

انا دلوقتي فالنار .. كان نفسي ارجع تاني للحياة وادخل الجيش عشان اقتل الناس اللي كنت فاكرهم هيدخلوني الجنه وكانوا السبب فدخولي النار ولكن فات الاوان

في_بلاد_إسلاميكا