انا دلوقتي فالجنه 5

اسمي داليا .. موت فسوريا برصاصه من ابني اللي لسه عنده 12 سنه .. وانا بموت شوفت شريط حياتي .. كنت بنت صغيره عندي 19 سنه جالي نواف وطلبني للجواز واتجوزنا وجبنا اياد وجنه .. كانت سوريا جميله بس كان فيها مشاكل زي كل البلاد العربيه ... كان نفسنا نتقدم ونكون زي اوربا وامريكا .. ثوره قامت فتونس ومصر فرحنا اوي لسه في امل ان العرب يقوي لسه في امل ان سوريا هي كمان تقوي .. شهر وشهرين عدوا لاقينا سوريا فيها ناس من جميع جنسيات العالم داعش الجيش السوري الحر الناتو روسيا قوات بشار .. القتل فكل شارع وحاره .. كل يوم نسمع عن خطف وتعذيب وقصف مدفعي وجوي ... كل يوم نسمع عن ستات اتخطفت من قلب بيوتها وجوزها وولادها اتقتلوا قصادها ... كلهم بيقولوا الله اكبر ؟؟ داعش الجيش الحر جيش بشار بس انهوا اله يقصدوه ؟؟ اله انهوا دين ؟؟ انا ما اعرفش غير الله واحد بس اكبر عن كل افعالهم دمار وحرق ونهب وقتل واغتصاب !! انا وجوزي ماكناش عرفين نروح فين احنا مش معانا فلوس حتي قطعه الارض اللي كانت حيلتنا استولوا عليها الثوار !! وبقوا يبيعوا محصولها وياخدوا فلوسها ليهم !!دول مسلمين ؟؟ دول حتي مايعرفوش عربي ؟؟ بقينا نخاف من كل دقه عالباب وملناش غير ربنا بنصلي له وندعي كل يوم انه يجنينا من القوم الظالمين ... لغايه اما فيوم دخل عليه اياد ومعاه رشاش وبعيط اوي وبيقولي انهم قتلوا نواف ابوه .. وانه هيحميني من النهارده بالرشاش اللي سرقه من اللي قتلوا ابوه .. قعدت اشده من ايده وقلبي مليان حرقه وفجأة طلعت طلقه من الرشاش والدم غرق كل جسمي .. انا دلوقتي فالجنه انا ونواف بس اياد وجنه في جحيم الله فالارض فسوريا

في_بلاد_إسلاميكا