انا دلوقتي فالجنه 6

اسمي مريم .. موت علي سريري وفي وسط دباديبي .. وانا بموت شوفت شريط حياتي .. كنت بنت روشه طحن مش بيهمني ولا كلام الناس ولا عادات وتقاليد .. البس اللي علي مزاجي واخرج فاي وقت واروح اي مكان ... انا حره وانت مش من حقك تحاسبني .. كنت باتريق علي سهوكه بنات اليومين دول اللي يقعدو يحبوا الواد من دول ويقعدوا يعيطوا علي فراقه وهو يكون يعرف 100 بنت عليها ..

بعد اما خلصت الجامعه واشتغلت قابلت جميع اصناف الرجاله اللي تتخيلهم .. اللي شايف نفسه اوي واللي غلبان واللي عامل نفسه مثقف واللي يحاول يبهرك بفلوسه واللي ماشي يحب علي نفسه .. انا بكره مش بحب حضرتكم احب ليه وانا بكره دينيتكم اصلا ؟؟!! تخلفكم فقركم دموعكم رومانسيتكم جهلكم جشعكم كدبكم خيانتكم ؟؟!!

فيوم من الايام اتوظف واحد جديد اسمه مهاب وكان شغلي بيجبرني اني اتعامل معاه فالاول توقعت انه يكون زي باقي الرجاله بيبص للست علي انها جسد مش روح بيبص لها من بره مش من جوه ... بس فجائني بافكاره بنظرته للحياة باتسامته اللي مش بتفرقه ابدا ... اول اما يشوفني يضحك فيخلي عيني تنور من السعاده .. بدأت احبه اممم اه هانكر ليه

حبينا بعض اوي واتخطبنا كنت بحس انه ظهري ... ياااه ربنا بعتلي اللي هيريحني من عذاب الدنيا اخيرا .. ولكن الحياة مش بتدي كل حاجه فيوم جوازنا امه وابوه واخوه الصغير وهم جاين فرحنا العربيه اتقلبت بيهم فماتوا ... طبعا اتلغي الفرح ... انكسرت فرحتي بعد كل الترتيبات اللي كنت عملها ضاع كل شئ اكيد هيقول عليه نحس

اتفجأت بمهاب متماسك قصادي حبه لي ما نقصش ده زاد .. موت ابوه وامه واخوه زعله بس ما كسروش استغربت منه حتي افتكرت انه كان بيكرههم .. قالي يا مريم عائلتي راحت للرحمن الرحيم وكلنا رايح له ده ربنا كريم اوي ... ابويا وامي من حفظه القران واكيد ربنا عاوز يحميهم من نار الارض ويدخلهم جنته عشان كده موتهم ... وبعدين ربنا عوضني بيكي انتي امي وابويا واخويا دلوقتي .. بس عاوزين نتفق اتفاق اننا نكون زي امي وابويا كده نحفظ قران مع بعض نصلي مع بعض عشان يوم ما تحين لحظتنا نموت واحنا واثقين من كرم ربنا ودخولنا الجنه ان شاء الله ..

وفعلا نفذنا الاتفاق والتزمنا بالقران والصلاة .. وفاخر ساعه فحياتي كنت انا وابني سراج ومهاب فحضن بعض بنتفرج علي الحرم المكي ونفسنا اسمنا يطلع فالقرعه عشان نحج بقا .. مهاب باس راسي وقالي ان شاء الله هصورك فالكعبه ودخلت انام عشان تبقي اخر صوره في دماغي هي الكعبه واخر كلام اسمعه هو القران ..

احدثكم من الجنه

في_بلاد_إسلاميكا