هل الحب عشق للجمال أما سمو للروح ؟

هل الحب عشق للجمال أما سمو للروح ؟

وسيم : انا كنت عارف يا إسلام انك حبيت حب علي أساس الجمال .

إسلام : اة بس ديه قصة كبيرة .

وسيم : احكي بس ياريت تكون الحكاية مختصره .

إسلام : الحكاية انها جارتي وهي جميلة جدا ً ، وكنت بحب شكلها ولبسها ومظهرها كله ، وبعدين كان حب صامت ، وبعد كده هي اتخطبت والحكاية اتفشكلت ، وهي دلوقتي هتتخطب تاني ، ديه الحكاية باختصار ، بس ما اعرفش بعد اما اتخطبت لقيت نفسي نسيت كل حاجة بسهولة .

وسيم : طبعا ً ، عشان انت كنت بتحب انك تشوفها بتحب استيل لبسها ، بتحب المظهر الخارجي اللي ظاهر لك ، محب للجسد ، زي اما الواحد مننا بيحب ممثلة اجنبية او عربية واول ما الفيلم يخلص يرجع لحياته العاديه .

إسلام : فعلا ً هو ده اللي حصل معايا كنت بحب شكلها فحتي الأن اتذكر ماذا كانت ترتديه وابتسامتها الجميلة ، دون ان اعرف اي شئ عن حياتها وعن تصرفاتها .

وسيم : ده يا إسلام مش الحب الحقيقي ، اللي انت تحب وحده عشان شكلها، الحب اعلي من كده بكتير .

إسلام : يعني في الدور الكام ؟

وسيم : في أعلي دور يا إسلام ، الحب لازم اساسه يكون مبني علي عدم المادية والاشياء المحسوسه زي الجمال والمال ،الحب اساسه المشاعر والصدق وكل الاشياء الجميلة ، وهو العطاء المتبادل بين الشخصين من مشاعر واحاسيس واحترام .

إسلام : انت عارف انا كنت لسه بفكر في الحكاية ديه ، ففتكرت اني كنت بتمني في فتاة احلامي انها تكون فهماني ، واني اول ما ادخل من باب الشقة بعد الزواج وانا راجع من الشغل تعبان ، اجدها منتظراني وعندما تقع عيني في عينها اشعر بمدي حبها لي ، وأري ملامحها تشع نور من فرحها برجوعي من العمل ، وانها تفهم ما اقوله من لغه العيوان ، وتفهم ما يدور في خاطري من افكار واحلام اريد ان احققها ، ومشاكل اسعي الي حلها ، ولكني لاحظت اني لم افكر بها ، لم افكر ازاي اخليها تحب ان تفرح برؤيتي ، لم افكر ازاي اقدر اني احول حياتها الي سعادة ، وان اشعرها بأنها هي حياتي الحاضرة والمستقبلية .

وسيم : انت عارف انت ما فكرتش كده ليه ، عشان كان مخك متركز علي الجمال الظاهر ولم تركز علي الاخلاق ، وطموحتها تتماشي مع طموحاتك ولا لاء ، وهل بزواجك منها تنتهي السعادة من حياتك حتي تطلقها ، اما انها شهادة ميلادك في الحياة من جديد .

إسلام : صحيح الواحد اما بيحب فيه افكار كتيره مابيفكرش فيها ، وبيرجع يندم في الأخر ، ونرجع نقول طيش شباب ، انت عارف فيه نماذج كتير شوفتها قصادي من اللي اتجوزوا وما فكروش كويس قبل اما يتخذوا قرار مصيري زي الوزاج ، وكانت النهاية مأسويه وصلت الي المحاكم في بعض الأحيان ، تأمل معي المنظر زوج وزوجه كانوا من بضع اشهر حبيبين ينتهي بيهما الحال الي المحاكم .

وسيم : موقف محزن جدا ً ، لكن ده بسببهم أنهم تزوجوا علي أسس مديه ، وكلنا عرفين ان الأسس المديه تنتهي بسرعة كبيرة ، ولا يبقي الا الانسان ومعدنه .

إسلام : الناس معادن منهم الذهب ومنهم الفضة ومنهم النحاس ومنهم الصفيح ...

وسيم : المهم يا إسلام الواحد ما ينخدعش بالمظهر فتوجد معادن كثيرة وأناس كثيره تبرق وهي من الداخل فارغه ،والأنسان الحكيم اللي يحاول ان يبحث علي المعادن النفسية وليست الرخيصة التي تنتشر نتيجة رخصها في كل مكان .

إسلام : بس المهمة صعبة جدا ً ، فعندما تبحث عن الذهب لأبد ان تبحث عنه وسط الأتربه والمعادن الفلصوه .

وسيم : مع صعوبة الحكاية يا إسلام ، اكيد هتفرح فرح شديد بالنتيجة .

إسلام : أنا متفق معاك في الحكاية ديه ، أحسن ما الواحد يقعد يقول يارب ارزقني الزوجة الصالحة ، وهو قاعد ما بيعملش حاجة قاعد عاطل او قاعد مابيذكرش وما بيتعبش ، وما يعرفش انه مافيش حاجة مجانية ومافيش حاجة من غير تعب ، لازم الواحد يتعب الأول وبعد كده يستني نتيجة تعبه .

وسيم : هو ده اللي انا بحاول اعمله يا إسلام ، عشان لازم الواحد يعمل المقدمات ويسعي ، حتي يحصل علي نتيجة ، وعلي سبيل المثال لازم الانسان يكون محترم ويكون صالح حتي يستحق الزوجه الصالحه .

إسلام : ديه تبقي مشكله اما يبقي مش صالح ومستني زوجه صالحه تصلحه ، اما يتجوزها هيخليها فاسده ويبقوا اسرة فاسدة يدخلوا النار جماعة .

وسيم : بس ان شاء الله يا إسلام مايحصلش حاجة من ديه وتبقي كل الأسر صالحه عشان يبقي الجيل الجديد ، جيل كله عظمة وابتكارات وانجازات .

إسلام : ان شاء الله ، انت عوز حاجة مني دلوقتي احنا كده خلصنا الموضوع .

وسيم : لاء خلاص روح انشره وان شاء الله يكون موضوع كويس ويعجب الناس .

إسلام : ان شاء الله .

مع تحياتي مؤلف وكاتب ومعد الموضوع : ابو تريكة .

الحب ....طبعا
سمو للروح
مش عشق للجمال
بالظبط زى ما أنت وضحت
وكمان من غير ما تفكر علشان تخلى زوجتك تحس كل اللى أنت وضحته"حبك ليها..إهتمامك بيها...... كفايه انك تكون جنبها

فعلا ً لازم الواحد يكون جنب مراته ويحسسها بدروها في حياته ، وهي أيضا ً تعشره بدورة في الأسرة ، وعلي ما اعتقد ان كل واحد عمل دوره ، هتكون الأسرة في منتهي السعادة .

هل الحب عشق للجمال أما سمو للروح ؟

هل الحب عشق للجمال أما سمو للروح ؟

رد: هل الحب عشق للجمال أما سمو للروح ؟

رد: هل الحب عشق للجمال أما سمو للروح ؟