هل قد يتحول الحب الي كره ؟

هل قد يتحول الحب الي كره ؟

كل واحد مننا أكيد بيحب ...

بس بيختلف أكيد الحب من شخص الي اخر فقد يحب شخص فتاة ويحب شخص اخر عمله ويحب ثالث نادي مثلا ً زي ما انا بحب الزمالك ...

وأكيد مع اختلاف نوع الحب تختلف ايضا ً الكمية فالبعض يحب الشئ ويعتقد ان بفقد هذا الحب سيموت ، والبعض الأخر الحب بالنسبة لهم شئ عادي ، والبعض الأخر متقلب ...

ايضا ً قد يكون الحب مرتبط بفترة معينه ، ففي نوعيه من الحب تمتد لثواني او حتي ساعات والبعض الاخر تمتد الي ايام او حتي سنين والبعض الأخر يمتد الحب معهم الي ما لا نهاية ...

ولكن ...

مع كل تلك المشاعر والأحاسيس هل من الممكن ان تكره من تحب ؟

قبل أما نجاوب هأحكي لكم علي قصة بسيطة ...

من شوية كنت بتفرج انا وبابا علي ماتش المقاولون ، وبابا زمالكوي متعصب وبيشجع الزمالك من هو صغير ، وبعدين في الشوط التاني في الدقائق الأخيرة من الماتش جت هجمه خطيرة للمقاولون فلقيته بيقول ماكنتش جت الكورة ديه جون وخلصنا ، زهق من الزمالك مع طول فترة حبه له ، لأنه مش لاقي مقابل لحبه ولا لعب ولا نتيجة ...

تعالوا بقي نجاوب مع بعض كده بهدوء شديد مع أني متعصب من الماتش بس مش مهم ...

تحول الحب الي كراهية يتوقف علي مدي الحب ، فأذا كان الحب قليل من السهل ان يتحول الي كراهية ، بينما أذا كان الحب حب قوي بعيد عن إي مصلحة فيصبح أحتمال تحول الحب الي كره ضعيف ، فمن غير المعقول ان يتحول الشئ الي نقيضة في مره واحده ، ولكن مع ضعف الاحتمال لكنه موجود ...

فقد يقل الحب مع الايام ، نتيجة لأكتشافه انه لم يلقي الأهتمام الكافي وأن المحبوب لايستحق الحب ، وأنه لم يهتم بمشاعره وكان يتعامل معه بقسوة وعنف ومعامله سيئة جدا ً ، ونتيجة لذلك كله ينعدم الحب ويبقي من السهل جدا ً أن يتحول الي كره ...

ولكن توجد فئه أخري لا يتغير شعورها بالحب تجاة المحبوب الي كره مع الايام مهما حصل ، لأنهم يروا ان الحياة لا تستحق ان نخرج منها ونحن نشعر بالكره لأحد ...

لكن توجد بعض الاشياء التي قد تحول الشخص من الحب الي الكراهية مرة واحده وأعظمها علي الأطلاق الخيانة ، ففي تلك اللحظة فقط لا يستطيع اي شخص الا ان يكره من يحبه ...

وتستمر حلقات الحب والكراهية ، فمع عظم الحب تأتي ايضا ً الكراهية ، فحاول ان تختار جيدا ً أيهما تريد ...

انتاج : يوليو 2008 .

كتابة وأعداد : ابو تريكة .

نعم قد يتحول لحب غلى كره ولكن فى حاله واحده

"الخيانه"

فمهما طال عليها الزمن لا تنسى أبدا

وما غير ذلك يغفر وينسى

مش شرط فى الخيانة وبس ده فى حاجات كتير
نعم هى الخيانه اكتر حاجه بتوجع
بس لو جيت فى مره وحبيبك قالك عايزين نبعد عن بعض واحنا كلامنا ده مش يستمر تانى
فى الحاله دى اظن ان الولد مش بيطيق البنت لو قاليتله كده والعكس برضوا

من طرف nora الخميس 9 يوليو - 2:30:11

اولا : شكرا على الموضوع الجميل ده

ثانيا : صعب يتحول لكره على الاقل حيكون فيه مجرد حنين ده رايي

من طرف maioi الأربعاء 3 أغسطس - 2:05:49

الحنين ده حيظهر فعلا لو كانوا بيحبوا بعض بجد انا اعرف اتنين كانوا اكتر من اصدقاء لاكتر من 6 سنين

وبعد كدة افترقوا وقالوا لبعض انهم بيكرهوا بعض برغم كدة بعدها

بقت كل واحدة بتسأل عن حال التانية من وراها تطمن عليها ورغم كدة رافضين يكلموا بعض لحد دلوقتى.

اها ديه حاجه متعبه جدا حكايه الكره ديه يا مي ، انا نفسي كنت متخيل اني عمري في يوم من الايام ما اكره حد بس الناس بقيت وحشه اوي يا مي ومهما عرفتي ناس ووثقتي فيهم تلاقيهم هم الي بيخونكي ويخلوكي تكرهيهم بغصب عنك .

هل قد يتحول الحب الي كره ؟

هل قد يتحول الحب الي كره ؟

رد: هل قد يتحول الحب الي كره ؟

رد: هل قد يتحول الحب الي كره ؟

رد: هل قد يتحول الحب الي كره ؟

رد: هل قد يتحول الحب الي كره ؟

رد: هل قد يتحول الحب الي كره ؟